మెగాస్టార్ చిరంజీవి సినిమాల్లో చాలా సూపర్హిట్ పాటలున్నాయి. ఇప్పటికే అందులో నుంచి చాలా హిట్ సాంగ్స్ను మెగా హీరోలే రీమిక్స్ చేశారు. కానీ చిరు మాత్రం తన పాటలను రీమిక్స్ చేయలేదు. కానీ ఆ తరుణం వచ్చేసింది. మెగాస్టార్ తన పాటలో నుంచి ఓ బ్లాక్బస్టర్ హిట్ సాంగ్ రీమిక్స్లో నటించబోతున్నారు. తన హీరోగా నటిస్తున్న మెహర్ రమేశ్ దర్శకత్వంలో తెరకెక్కుతున్న భోళాశంకర్లో ఈ హిట్ సాంగ్ రీమిక్స్ ఉండబోతోందట. ఇంతకీ ఆ పాట ఏంటంటే..?
చూడాలని ఉంది సినిమాలోని ఆల్ టైం క్లాసిక్ సాంగ్ రామ్మా చిలకమ్మ పాటను భోళాశంకర్లో రీమిక్స్ చేస్తున్నట్టు తెలుస్తోంది. అప్పుడు మణిశర్మ ఆ సినిమాకు సంగీతం అందిస్తే ఇప్పుడు భోళా శంకర్ కు ఆయన కొడుకు మహతీ స్వర సాగర్ సంగీతం అందిస్తున్నారు. చూడాలని ఉంది సినిమా కూడా కోల్కతా బ్యాక్ డ్రాప్‌లో వచ్చింది. ఇప్పుడు మెహర్ రమేశ్ సినిమా కూడా కోల్కతా నేపథ్యంలోనే వస్తోంది. సిట్యువేషన్ కూడా సింక్ అవ్వడంతో రామ్మా చిలకమ్మా పాటను ఇందులో రీమిక్స్ చేశారని తెలుస్తోంది.
