ప్రపంచవ్యాప్తంగా ప్రేక్షకులను ఆకట్టుకున్న చిత్రాలలో తెలుగు చిత్రం ఆర్ఆర్ఆర్ గురించి ప్రత్యేకంగా పరిచయం అవసరం లేదు. ఆస్కార్ నామినేషన్ కు భారత్ నుంచి అఫీషియల్ ఎంట్రీగా ఛాన్స్ దక్కక పోయినప్పటికీ.. ఇండిపెండెంట్ నామినేషన్ లో పోటీ పడబోతుంది. మరోవైపు బెస్ట్ ఒరిజినల్ స్కోర్ గా “నాటు నాటు” పాటతో పాటుగా” భీమ్” గా అద్భుత నటన కనబరిచిన తారక్ బెస్ట్ యాక్టర్ క్యాటగిరిలో నామినేషన్ ఫైనల్ లిస్టులో ఉన్నారు. మరో వైపు లాస్ ఏంజెల్స్ లో జరిగిన గోల్డెన్ గ్లోబ్ అవార్డ్స్ లో భాగంగా నాటు నాటు పాటకు ఎం ఎం కీరవాణి గోల్డెన్ గ్లోబ్ అవార్డ్ ను కూడా సొంతం చేసుకున్నారు.
ఇకపోతే ప్రపంచవ్యాప్తంగా క్రేజ్ పొందిన ఈ సినిమాకు సీక్వెల్ కోసం రాజమౌళిని అభిమానులు అడుగుతూనే ఉన్నారు. గతంలో అలాంటి ఆలోచన లేదని తిరస్కరించిన జక్కన్న.. తాజాగా ఇంటరాక్షన్ లో మాత్రం తన తండ్రి విజయేంద్ర ప్రసాద్ అదే పనిలో ఉన్నాడని ప్రకటించారు. మరోవైపు రాజమౌళి తన తదుపరి చిత్రాన్ని మహేష్ బాబుతో కమిట్ అయిన విషయం తెలిసిందే. ఈ ప్రాజెక్టును అడ్వెంచర్స్ బ్యాక్ డ్రాప్లో తెరకెక్కించనున్నట్లు ఇప్పటివరకే వెల్లడించారు అయితే ప్రస్తుతం రాజమౌళితో ఎక్కడికి వెళ్లినా సరే ఆర్ ఆర్ ఆర్ సినిమా సీక్వెల్ గురించి ప్రశ్నలు ఎదురవుతున్నాయి. ఈ క్రమంలోనే రాజమౌళి తాజాగా ఒక స్టేట్మెంట్ కూడా ఇచ్చాడు.
రాజమౌళి మాట్లాడుతూ..” నా దగ్గర లాక్ చేయబడిన స్క్రిప్ట్ ఒకటి ఉంది. కానీ దాని గురించి ఇప్పుడే చెప్పలేను” అంటూ తెలిపాడు. దీంతో ఆయన స్టేట్మెంట్ పై నెట్టింట చర్చ మొదలయింది. దర్శకుడు రాజమౌళి ఆర్ ఆర్ ఆర్ 2 గురించి ఇలా మాట్లాడారని సీక్వెల్ స్క్రిప్ట్ గురించి జాగ్రత్తగా హింట్ ఇచ్చారని కొంతమంది నెటిజెన్లు వ్యాఖ్యానిస్తున్నారు. కానీ కొంతమంది మాత్రం మహేష్ బాబు సినిమా గురించి అయ్యుండొచ్చని కూడా అభిప్రాయపడుతున్నారు. ఏది ఏమైనా ఆర్ఆర్ఆర్ సీక్వెల్ కోసం అభిమానులు చాలా ఎదురు చూస్తున్నట్లు సమాచారం.
