ఎటువంటి బ్యాక్ గ్రౌండ్ లేకుండా ఇండస్ట్రీకి వచ్చి సక్సెస్ అయిన హీరో రవితేజ. తన కృషితో మాస్ మహారాజాగా ఎదిగిన ఈ స్టార్ హీరో త్వరలో కోలీవుడ్ ఫిల్మ్ ఇండస్ట్రీలోకి ఎంట్రీ ఇవ్వబోతున్నారని తెలుస్తోంది. యంగ్ హీరో విష్ణు విశాల్‌తో కలిసి ఓ చిత్రంలో కీ రోల్ ప్లే చేయబోతున్నారని టాక్.
విష్ణు విశాల్ నటిస్తున్న ‘వీవీ 18’ మూవీలో రవితేజ కీలక పాత్ర పోషించేందుకు ఓకే చెప్పారని వినికిడి.
రవితేజ సమర్పించిన చిత్రం ‘ఎఫ్ఐఆర్’తో విష్ణు విశాల్ తెలుగు ప్రేక్షకులకు పరిచయమయ్యారు. ఈ క్రమంలోనే రవితేజతో ఏర్పడిన రిలేషన్ షిప్ తో తన సినిమాలో నటించాలని విష్ణువిశాల్ రవితేజను రిక్వెస్ట్ చేసినట్లు వార్తలొస్తున్నాయి. ఈ విష్ణు విశాల్ 18వ చిత్రానికి సంబంధించిన టైటిల్, ఫస్ట్ లుక్, మూవీ యూనిట్ సభ్యులు ఇతర విషయాలన్నిటిపై త్వరలోనే అఫీషియల్ అనౌన్స్ మెంట్ వచ్చే అవకాశాలున్నాయి.
ఇక రవితేజ సినిమాల విషయానికొస్తే.. ప్రజెంట్ ఆయన వరుసగా సినిమాల షూటింగ్స్ చేస్తున్నారు. ఇటీవల ఆయన నటించిన ‘ఖిలాడి’ చిత్రం విడుదలైంది. అయితే, ఈ సినిమా అనుకున్న స్థాయిలో ఆడలేదు. కానీ, రవితేజ పర్ఫార్మెన్స్ కు మంచి మార్కులే పడ్డాయి.
మాస్ మహారాజ ప్రజెంట్ ‘ధమాకా, రావణాసుర, టైగర్ నాగేశ్వరరావు’ చిత్రాల్లో నటిస్తున్నారు. ఆయన నటించిన ‘రామారావు ఆన్ డ్యూటీ’ ఫిల్మ్ ఈ ఏడాది జూన్ 17న విడుదల కానుంది. ‘రావణాసుర, టైగర్ నాగేశ్వరరావు’ సినిమాల ఓపెనింగ్స్ కు టాలీవుడ్ మెగాస్టార్ చిరంజీవి చీఫ్ గెస్ట్ గా వచ్చి, ఆ రెండు చిత్రాలు విజయం సాధించాలని ఆకాంక్షించడం విశేషం.
