ప్రముఖ బాలీవుడ్ యాక్టర్ సల్మాన్ ఖాన్ హైదరాబాద్‌లో సందడి చేయనున్నారు. సికందర్ సినిమా చిత్రీకరణలో భాగంగా ఆయన హైదరాబాద్‌కు చేరుకున్నారు.ప్రస్తుతం నగరంలోని ఫేమస్ తాజ్ ఫలక్ నుమాలో ఆయన బస చేస్తున్నట్లు సమాచారం.దీంతో తాజ్ హోటల్ చుట్టుపక్కల భారీ బందోబస్తు ఏర్పాటు చేశారు.
తమ అభిమాన నటుడు హైదరాబాద్‌లోని తాజ్ ఫలక్ నుమాలో ఉన్నట్లు తెలుసుకున్న ఫ్యాన్స్ ఆయన్ను చూసేందుకు భారీగా తరలివచ్చారు. సల్మాన్ రాకతో నగరంలో ఎటువంటి అవాంఛనీయ ఘటనలు చోటుచేసుకోకుండా ఉండేందుకు నగర పోలీసులు హోటల్ చుట్టూ భారీ సెక్యూరిటీ ఏర్పాటు చేశారు. దీనికి తోడు ఆయన పర్సనల్ సెక్యూరిటీ కూడా భద్రతను సమీక్షిస్తున్నారు.
