సినీ నటులు ప్రతిష్టాత్మకం గా భావించే ఇండియన్ ఫిలిం ఫెస్టివల్ ఆఫ్ మెల్ బోర్న్ అవార్డులు ఇవాళ వెలువడ్డాయి. 2021 సంవత్సరానికి గాను ఇండియన్ ఫిలిం ఫెస్టివల్ ఆఫ్ మెల్ బోర్న్ అవార్డు లను ప్రకటించేసింది. అయితే ఈ అవార్డుల్లో ఉత్తమ చిత్రంగా సూర్య నటించిన సురారై పొట్రు (ఆకాశమే నీ హద్దురా ) సినిమా ఎంపిక కాగా…. ఉత్తమ నటుడిగా సూర్య ఎంపికయ్యారు.
అలాగే ఈ అవార్డుల్లో ఉత్తమ వెబ్ సిరీస్ గా ఫ్యామిలీ మాన్ 2 ఎంపిక యింది. అయితే ఈ వెబ్ సిరీస్ ఉత్తమ నటీ నటులుగా అక్కినేని సమంత మరియు మనోజ్ బాజ్ పాయి ఎంపికయ్యారు. వీరిద్దరూ ఫ్యామిలీ మాన్ 2 వెబ్ సిరీస్ లో నటించారు. 27 భాషలకు చెందిన 120 కి పైగా చిత్రాలు అవార్డుల కోసం పోటీ పడ్డాయి. ఇందులో అక్కినేని కోడలు సమంత ఉత్తమ నటిగా అవార్డు పొందడం గమనార్హం. ఇక సమంత ఫాన్స్ లో కోలాహలం నెలకొంది.
