మల్కాజ్గిరి ఆసియాలోనే అతిపెద్ద లోక్ సభ నియోజకవర్గం. దాదాపు 31, 50,313 మంది ఓటర్లతో మల్కాజిగిరి దేశంలోనే అతిపెద్ద పార్లమెంట్ స్థానంగా నిలిచింది. అత్యధిక పురుష, మహిళా ఓటర్లు ఈ నియోజకవర్గంలో ఉన్నారు. మల్కాజ్గిరి లోక్సభ నియోజకవర్గంలో జరిగే ఎన్నికలపై రాష్ట్ర స్థాయిలోనే కాక జాతీయ స్థాయిలో కూడా పెద్ద చర్చే జరుగుతుంది. దీంతో ఈ లోక్ సభ ఎన్నికల్లో ఎలాగైనా ఇక్కడ పట్టు సాధించాలని రాజకీయ పార్టీలన్నీ కసరత్తులు చేస్తున్నాయి.
ఈ నేపథ్యంలో వచ్చే లోక్ సభ ఎన్నికల్లో మల్కాజిగిరి బీఆర్ఎస్ ఎంపీ అభ్యర్థిగా శంభీపూర్ రాజు పోటీ చేస్తున్న విషయాన్ని ఆ పార్టీ ప్రకటించింది. ప్రస్తుతం శంభీపూర్ రాజు ఎమ్మెల్సీగా ఉన్నారు. అలాగే భారతీయ జనతా పార్టీ తరఫున ఈటల రాజేందర్ పోటీ చేస్తుండగా.. కాంగ్రెస్ తరఫున మైనంపల్లి హనుమంతరావు పోటీ చేయనున్నట్లు వార్తలు వినిపిస్తున్నాయి.
