క్రికెట్ అభిమానులు ఎంతో ఆసక్తిగా ఎదురు చూస్తున్నా ఐపిఎల్ 2023 సీజన్ మ్యాచ్ ల షెడ్యూల్ ఇటీవల విడుదలైంది. మార్చి 31వ తేదీ నుంచి ఈ టోర్నమెంట్ ప్రారంభం కానుంది. ఇది ఇలా ఉండగా.. సినీ నటుడిగా ఎంతోమంది అభిమానులను ఆకట్టుకున్నారు బాలకృష్ణ. ఆ తర్వాత టాక్ షోలో హోస్టుగా సత్తా చాటి ప్రేక్షకులతో ఓహో అనిపించారు.
ఇప్పుడు క్రికెట్ అభిమానులను ఎంటర్టైన్ చేసేందుకు కామెంటేటర్ గా అవతారం ఎత్తేందుకు బాలయ్య సిద్ధమవుతున్నారు. ఇండియన్ ప్రీమియర్ లీగ్ లో బాలకృష్ణ కామెంటరీతో అదరగొట్టనున్నట్లు స్టార్ స్పోర్ట్స్ ప్రకటించింది. మార్చి 31న ప్రారంభమయ్యే ఐపీఎల్ ఓపెనింగ్ రోజున బాలకృష్ణ కామెంటరీ ఉంటుందని చెప్పింది స్టార్ స్పోర్ట్స్. దీనికి సంబంధించి ట్విట్టర్ లో ట్వీట్ చేసింది. దీంతో బాలయ్య ఫ్యాన్స్‌ ఫుల్‌ ఖుషీ అవుతున్నారు.
