ఐపిఎల్ లో భాగంగా ఈ రోజు సంజు శాంసన్ నేతృత్వంలో రాజస్థాన్ రాయల్స్ మరియు హర్థిక్ పాండ్య నేతృత్వంలో గుజరాత్ టైటాన్స్ జట్లు జైపూర్ లో తలపడ్డాయి. మొదట టాస్ గెలిచిన సంజు ఎప్పటిలాగే బ్యాటింగ్ తీసుకున్నాడు. కానీ ఈ సారి తన అంచనా పూర్తిగా తప్పింది అని చెప్పాలి. జట్టు మొత్తం ఒకేసారి విఫలమై కేవలం 118 పరుగులకే ఆల్ ఔట్ అయ్యి అప్రతిష్ట మూటగట్టుకుంది. రషీద్ ఖాన్ మరియు నూర్ అహ్మద్ లు 5 వికెట్లు సాధించి రాజస్థాన్ ను దెబ్బ కొట్టారు. అనంతరం లక్ష్య చేదనలో గుజరాత్ కేవలం 13.5 ఓవర్ లలోనే టార్గెట్ చేరుకుని ఘన విజయాన్ని అందుకుంది.
గత మ్యాచ్ లో ఢిల్లీ పై 130 పరుగులు చేదించలేక చతికిలపడ్డ గుజరాత్ ఈ మ్యాచ్ లో కేవలం ఒక్క వికెట్ ను మాత్రమే కోల్పోయి లక్ష్యాన్ని చేరుకుంది. ప్రస్తుతం రాజస్థాన్ వరుసగా 2 మ్యాచ్ లు ఓడిపోయి ప్లే ఆఫ్ కు చేరుతుందా అన్న సందేహాన్ని కలిగిస్తోంది. కెప్టెన్ సంజు శాంసన్ పదే పదె ఎందుకు టాస్ గెలవగానే బ్యాటింగ్ తీసుకుంటున్నాడు అని విమర్శలు వస్తున్నాయి. పైగా సంజు బ్యాటింగ్ లోనూ ఫెయిల్ అవుతున్నాడు.
