తాజాగా జరిగిన టీ 20 ప్రపంచకప్లో టీమ్ఇండియా జయకేతనం ఎగురవేసిన విషయం తెలిసిందే. ఈ విజయం అభిమానులకే కాదు క్రికెటర్లకు ఎంతో ముఖ్యమైంది. దీంతో అటు ప్లేయర్లు కూడా క్రికెట్ అభిమానులు భావోద్వేగానికి లోనయ్యారు. ఈ సూపర్ విక్టరీని సెలబ్రేట్ చేసుకున్నారు. ఇక టీమిండియా ప్లేయర్లకు ఇప్పటికే భారత అభిమానులు నీరాజనాలు పట్టిన విషయం తెలిసిందే. మరోవైపు తమ సొంత ఊర్లకు వెళ్లిన ప్లేయర్లకు అక్కడి వారు గ్రాండ్గానే వెల్కమ్ చెబుతున్నారు.
తాజాగా టీమిండియా స్టార్ ఆల్ రౌండర్ హార్దిక్ పాండ్యాకు కూడా తన సొంత ఊరు అయిన వడోదరలో ఘన స్వాగతం లభించింది. తమ అభిమాన క్రికెటర్ను చూసేందుకు పెద్ద ఎత్తున ఫ్యాన్స్ తరలివచ్చారు. ఓపెన్ బస్లో అందరికీ అభివాదం చేస్తూ ఎయిర్‌పోర్ట్‌ నుంచి ర్యాలీగా తన ఇంటికి చేరుకున్నాడు హార్దిక్. ఈ ర్యాలీ తర్వాత వడోదరలో హార్దిక్‌కు సన్మానం ఏర్పాటు చేశారు. ఈ వీడియోను పాండ్యా తన సోషల్ మీడియా ప్లాట్ఫామ్స్లో షేర్ చేశాడు. తనకోసం ఈ ఏర్పాటు చేసిన అభిమానులకు ధన్యవాదాలు తెలిపాడు.
