సౌత్ ఆఫ్రికాతో నాలుగు టీ20ల సిరీస్ కోసం వెళ్లిన భారత జట్టు ఈరోజు మొదటి మ్యాచ్ లో తలపడనుంది. అయితే ఈ మ్యాచ్ లో టాస్ గెలిచిన సౌతాఫ్రికా ఫీల్డింగ్ ఎంచుకోవడంతో.. భారత్ మొదట బ్యాటింగ్ చేయనుంది. ఇక డర్బన్ వేదికగా ప్రారంభం కానున్న ఈ మ్యాచ్ కు గాయం కారణంగా కెప్టెన్ సూర్య కుమార్ యాదవ్ దూరం అవుతాడు అనే వార్తలు వచ్చినా.. టాస్ కోసం సూర్య ఎంట్రీతో ఆయా వార్తలకు చెక్ పడింది.
అయితే ఈ సౌత్ ఆఫ్రికా సిరీస్ భారత ఆటగాళ్లకు ఈ నెల చివరలో జరగనున్న ఐపీఎల్ మెగ వేలం కోసం ఎంతో ఉపయోగపడనుంది అనే చెప్పాలి. ఇక ఈ మొదటి మ్యాచ్ లో ఆడనున్న భారత జట్టును పరిశీలిస్తే.. అభిషేక్ శర్మ, సంజు శాంసన్(wk), సూర్యకుమార్ యాదవ్ (c), తిలక్ వర్మ, హార్దిక్ పాండ్య, రింకూ సింగ్, అక్షర్ పటేల్, రవి బిష్ణోయ్, వరుణ్ చక్రవర్తి, అర్షదీప్ సింగ్, అవేశ్ ఖాన్ జట్టులో చోటు సంపాదించుకున్నారు.
