తెలుగు ప్రజలకు టెలివిజన్ లో ఎంతో దగ్గర అయిన షోలు జబర్దస్త్ మరియు ఎక్స్ట్రా జబర్దస్త్. ఇప్పటి వరకు వీటి రేటింగ్స్ ను కొట్టే షో లు రాలేదంటే వీటిని స్టామినా అర్దం చేసుకోవచ్చు. అంతలా ఈ షోస్ తెలుగు ప్రజలను అలరిస్తూ వస్తున్నాయి. ఈ షో ద్వారా చాలా మంది కమెడియన్స్ ఇటు టీవీ కి మరియు సినిమాకు పరిచయమయ్యారు. వీరిలో ఇప్పుడు సుడిగాలి సుధీర్ ప్రముఖంగా పేరు తెచ్చుకున్నాడు. ఇప్పటికే రెండు సినిమాలలో సుధీర్ నటించాడు.
ఇక శుక్రవారం నాడు సుడిగాలి సుధీర్ హీరోగా నటించిన మరో సినిమా గాలోడు విడుదల అయిన సంగతి తెలిసిందే. ఈ సినిమా మొదటి రోజు దాదాపు కోటి రూపాయల వసూళ్లు సాధించింది. ఇక రెండో రోజు కూడా ఇలాగే కోటి రూపాయల దాకా రాబట్టింది. ఇక మూడో రోజు ఆదివారం కాబట్టి మరో కోటి రూపాయల వసూళ్లు సాధించిచే అవకాశం ఉందని అంటున్నారు. ఇది చూసి చాలా మంది చిన్న హీరోలు ఆశ్చర్యపోతున్నారట.
దీనితో సినిమా మీడియా వర్గాలలో సుదీర్ హాట్ టాపిక్ గా మారాడు. సుధీర్ అస్సలు ఎవరి అండా లేకుండా మొదటగా జబర్దస్త్ షో కు వచ్చి అంచెలంచలు గా ఎదుగుతూ హోస్ట్ గా, మారి ఇప్పుడు హీరోగా మారాడు. తన సినిమా వసూళ్లు టాలీవుడ్ ఇప్పుడున్న చిన్న హీరోలకు ఏ మాత్రం తీసిపోకుండా వున్నాయి. దీనితో ఆయన అభిమానులు తన కష్టానికి ఫలితం వచ్చిందంటూ,మెచ్చుకుంటూ కామెంట్స్ చేస్తున్నారు.
