గర్భిణీలకు తెలంగాణ సర్కార్ గుడ్ న్యూస్..

తెలంగాణ రాష్ట్ర వ్యాప్తంగా గర్భిణీలు ఎక్కువ మంది సిజెరీయన్ ద్వారా పిల్లలకు జన్మనిస్తున్న సంగతి తెలిసిందే..ఈ ఆపరేషన్ లను తగ్గించాలని కెసీఆర్ సర్కార్ కీలక నిర్ణయం తీసుకుంది.రాష్ట్ర వ్యాప్తంగా గర్భిణీలతో యోగా చేయించాలని ప్రభుత్వం సూత్రపాయంగా నిర్ణయించింది. నార్మల్​డెలివరీల కొరకు యోగా సేఫ్​అని ఇప్పటికే మెడికల్ ఎక్స్​పర్ట్స్‌తో పాటు డాక్టర్లు కూడా ఓ నిర్ధారణకు వచ్చారు.

తొలుత క్షేత్రస్థాయిలో ఆశాలు, ఏఎన్‌ఎంలకు యోగాపై అవగాహన కల్పించనున్నారు. ఆ తర్వాత యోగా టీచర్లు రూపొందించిన ట్రైనింగ్​ వీడియోలను ఆశాలు, ఏఎన్‌ఎంల ట్యాబ్‌లకు పంపిస్తారు. పీహెచ్‌సీ మెడికల్​ఆఫీసర్ల సమన్వయంతో గర్భిణులంతా యోగా చేసేలా ప్లాన్​ సిద్ధం చేస్తున్నారు. హైదరాబాద్‌లోని ఫ్యామిలీ వేల్ఫేర్​కార్యాలయం కాన్ఫరెన్స్ హాల్‌కు ప్రతి ప్రాథమిక ఆరోగ్య కేంద్రం ప్రత్యేక లింక్‌తో అనుసంధానం కానున్నది.

ప్రతి ఏటా సుమారు 6.50 లక్షల డెలివరీలు జరుగుతుండగా, వీటిలో 50-50 శాతం చొప్పున సర్కార్, ప్రైవేట్‌లో నిర్వహిస్తున్నారు. అయితే దాదాపు 70 శాతం సిజేరియన్లతో దేశంలోనే తెలంగాణ అగ్రభాగంలో ఉన్నది. కరీంనగర్, నిజామాబాద్, ఉమ్మడి వరంగల్​జిల్లాల్లో సిజేరియన్లు మరింత ఎక్కువగా ఉన్నాయని ఇటీవల సర్కార్​అధ్యయనంలోనూ తేలింది. దీంతో నార్మల్​డెలివరీలపై ఫోకస్​పెట్టారు. ఇప్పటికే కేవలం నార్మల్​డెలివరీలు నిర్వహించేందుకు మిడ్​వైఫరీ నర్సులకు ట్రైనింగ్​ఇచ్చి ప్రయత్నాలు చేయడం, రూ. 3 వేల ఇన్సెంటివ్‌లను సర్కార్ అమల్లోకి తెచ్చింది.మరింత మార్పు కోసం తెలంగాణ ప్రభుత్వం ఈ నిర్ణయం తీసుకుంది.ఆపరేషన్ రహిత రాష్ట్రంగా చేయాలని ప్రభుత్వం భావిస్తుంది.