BREAKING: గుల్బర్గాలో కారును బొలెరో వాహనం ఢీకొట్టింది. ఈ ప్రమాదంలో 4 గురు హైదరాబాద్ వాసులు మృతి చెందారు. ఈ సంఘటన ఇవాళ ఉదయం చోటు చేసుకుంది. ఈ సంఘటన వివరాలు ఇలా ఉన్నాయి. కర్ణాటక గుల్బర్గా జిల్లా కమలాపూర్ వద్ద ఘోర రోడ్డు ప్రమాదం చోటు చేసుకుంది. బొలెరో వాహనం…కారును ఢీకొట్టింది.
దీంతో నలుగురు ప్రయాణికులు అక్కడికక్కడే మృతి చెందారు. మృతులు హైదరాబాద్ యూసుఫ్ గూడ వాసులుగా గుర్తించారు. కారు నెంబర్ TS 08 EB 2030 లో గానుగాపూర్ దత్తాత్రేయ క్షేత్రానికి వెళ్తుండగా ఈ ప్రమాదం చోటు చేసుకుంది. మృతదేహాలను కమలాపూర్ ఏరియా హాస్పిటల్ కి తరలించారు. మృతుల్లో ముగ్గురు ఒకే కుటుంబ సభ్యులు, ఓ డ్రైవర్ ఉన్నారు. భార్గవ కృష్ణ (55), భార్య సంగీత (45),కుమారుడు ఉత్తమ్ రాఘవ (28) రాఘవేంద్ర గౌడ్ కారు డ్రైవర్ ఉన్నారు.
