Bolero overturned in Vanaparthi district: వనపర్తి జిల్లాలో బొలెరో వాహనం బోల్తా కొట్టింది. ఈ సంఘటన ఇవాళ ఉదయం చోటు చేసుకుంది. ఈ సంఘటన వివరాలు ఇలా ఉన్నాయి. వనపర్తి జిల్లా ఎన్ హెచ్ 44 జాతీయ రహదారి వెల్టూర్ దగ్గర రోడ్డు ప్రమాదం జరిగింది. పత్తి కూలీలతో వెళుతున్న బొలెరో వాహనం అదుపుతప్పి బోల్తా కొట్టింది. కొత్తకోట మండలం బూత్కూరు గ్రామం నుండి బొలెరో వాహనంలో ఎంకంపల్లికి బయలుదేరారు 40 మంది కూలీలు.
బుర్ర వాగు దాటి వెల్టూరు సమీపంలో బొలెరో వాహనం టైర్ పేలిపోవడంతో వాహనం బోల్తా కొట్టింది అని చెబుతున్నారు. ఈ సంఘటన లో పలువురికి గాయాలు అయ్యాయి. ముగ్గురి పరిస్థితి విషమంగా ఉందని చెబుతున్నారు. గాయపడ్డ వారిని వనపర్తి ప్రభుత్వ ఆసుపత్రికి తరలించారు స్థానికులు. ఇక ఈ సంఘటన పై కేసు నమోదు చేసుకున్న పోలీసులు.. దర్యాప్తు చేస్తున్నారు.
