ఎన్నికల ఫలితాల్లో సిద్దిపేట బీఆర్ఎస్ అభ్యర్థి, మంత్రి హరీశ్ రావు హవా కొనసాగుతోంది. మూడు రౌండ్లు పూర్తయ్యే సరికి 15,742 ఓట్ల ఆధిక్యంలో ఉన్నారు. ఇప్పటికే ఆరుసార్లు విజయం సాధించిన హరీశ్ రావు ఈసారి కూడా గెలుపు తీరాలకు చేరనున్నారు. సిద్దిపేట నియోజకవర్గం హరీశ్ రావు కంచుకోట అన్న విషయం తెలిసిందే. ఇప్పటి వరకు ఈ నియోజకవర్గంలో హరీశ్ రావు రెండు హ్యాట్రిక్ విజయాలు నమోదు చేశారు. తనను గెలిపించిన ప్రజలకు హరీశ్ రావు ఎంతో న్యాయం చేశారు. నియోజకవర్గాన్ని భారీ ఎత్తున అభివృద్ధి చేశారు.
తన నియోజకవర్గాన్ని హైదరాబాద్‌లా ఓ మెట్రోపాలిటన్ సిటీలా చేసేందుకు తీవ్రంగా ప్రయత్నించి సఫలమయ్యారు. పట్టణానికి ఐటీ టవర్‌ను తీసుకువచ్చి యువతకు ఉపాధి కల్పించారు. హరీశ్ రావు తన నియోజకవర్గానికి చేసిన ప్రగతిని చూసి ప్రజలు మళ్లీ ఆయనకు పట్టం కట్టేందుకు సిద్ధమయ్యారు. ఈ క్రమంలోనే హరీశ్ రావు ఆధిక్యంలో ఉండటమే కాదు భారీ మెజార్టీతో ముందంజలో కొనసాగుతున్నారు.
