తెలంగాణ లో భారీ వర్షాలు కురిసే అవకాశం ఉందని వాతావరణ శాఖ వెల్లడించింది. ప్రధానంగా తమిళనాడు పరిసర ప్రాంతాల్లో సముద్ర మట్టం నుంచి 5.8 కిలోమీటర్ల ఎత్తు వరకు విస్తరించి కొనసాగిన ఆవర్తనం మంగళవారం మరింత బలహీన పడింది. తెలంగాణలోని పలు జిల్లాలలో ఇవాళ, రేపు, ఎల్లుండి ఉరుములు, మెరుపులతో కూడిన తేలికపాటి నుంచి మోస్తారు వర్షాలు కురిసే అవకాశం ఉంది. ఇవాళ ఉమ్మడి ఖమ్మం, నల్గొండ, మహబూబ్ నగర్, వరంగల్, రంగారెడ్డి, హైదరాబాద్ తోపాటు కామారెడ్డి, జిల్లాలకు భారీ వర్షాలు వచ్చే అవకాశం ఉందని వాతావరణ శాక ప్రకటించింది. ః
ఈ జిల్లాలకు ఎల్లో హెచ్చరికలు జారీ చేసింది. ఉత్తర అండమాన్ సముద్ర ప్రాంతంలో కొనసాగిన అల్పపీడనం పశ్చిమ వాయువ్య దిశగా కదులుతూ వాయిగుండంగా మారింది. ఇది పశ్చిమ వాయువ్య దిశగా కదులుతూ మరింత బలపడి ఈ నెల 23న తూర్పు మధ్య బంగాళాఖాతంలో తుఫానుగా మారే అవకాశం ఉందని వాతావరణ శాఖ వెల్లడించింది. ఈనెల 24న రాత్రి లేదా 25న ఉదయం పూరి, సాగర్ ఐలాండ్స్, మధ్య దాటే అవకాశం ఉందని వాతావరణ శాఖ అంచనా వేసింది.
