బీఆర్ఎస్ మాజీ మంత్రి, సిద్దిపేట ఎమ్మెల్యే హరీశ్ రావు త్వరలో బీఆర్ఎస్ను వీడి బీజేపీ అయినా లేదా కాంగ్రెస్ పార్టీలో అయినా చేరతారంటూ చాలా రోజుల నుంచి పుకార్లు వస్తున్న విషయం తెలిసిందే. తాజాగా ఈ రూమర్స్్పై హరీశ్ రావు స్పందించారు. తెలంగాణ భవన్లో మీడియా సమావేశం ఏర్పాటు చేసి రాష్ట్రంలోని నిరుద్యోగులు, గ్రూప్-1 అభ్యర్థులు, విద్యార్థుల సమస్యలపై మాట్లాడిన ఆయన చివరలో తాను పార్టీ మారుతున్నానంటూ వస్తున్న వదంతులపై మాట్లాడారు.
ఈ సందర్భంగా యూట్యూబ్ ఛానెల్ నిర్వాహకులకు హరీశ్ రావు స్వీట్ వార్నింగ్ ఇచ్చారు. తాను వేరే పార్టీలో చేరుతున్నానంటూ, బీఆర్ఎస్ వర్కింగ్ ప్రెసిడెంట్ అవుతున్నానంటూ వస్తున్న వార్తలన్నీ ఫేక్ అని కొట్టిపారేశారు. లైక్స్, వ్యూస్ కోసం కొంతమంది సోషల్ మీడియాలో తప్పుడు థంబ్నెయిల్స్ పెడుతున్నారని మండిపడ్డారు. ఇది రాజకీయ నేత నిబద్ధతను దెబ్బతీస్తుందని వ్యాఖ్యానించారు. ఇలాంటివి రిపీట్ అయితే లీగల్ యాక్షన్ తీసుకుంటానని హెచ్చరించారు.
