తెలంగాణలో యాదాద్రి, భద్రాద్రి విద్యుత్ సంస్థల నిర్మాణం, ఛత్తీస్గడ్ విద్యుత్ కొనుగోళ్ల అంశం వ్యవహారం కాక రేపుతోంది. గత ప్రభుత్వం అనుసరించిన విధానంపై విచారణ జరుపుతున్న జస్టిస్ ఎల్ నరసింహారెడ్డి ఇప్పటికే మాజీ ముఖ్యమంత్రి కేసీఆర్కు లేఖ రాసిన విషయం తెలిసిందే. మరోవైపు ఈ వ్యవహారంలో కేసీఆర్ హైకోర్టును కూడా ఆశ్రయించారు. ఈ నేపథ్యంలో ఈ కొనుగోళ్ల అంశంపై మరింత సమాచారం ఇవ్వాలని కేసీఆర్కు ఈనెల 19న విచారణ కమిషన్ జస్టిస్ నరసింహారెడ్డి కమిషన్ రెండో లేఖ రాసిన విషయం తాజాగా వెలుగులోకి వచ్చింది.
గతంలో మొదటి లేఖ రాసి ఈ నెల 15 లోపు సమాధానం ఇవ్వాలని కోరడంతో 15వ తేదీన మాజీ ముఖ్యమంత్రి కేసీఆర్ సుదీర్ఘ సమాధానం ఇచ్చారు. ఆ సమాధానానికి సందేహాలను జోడిస్తూ జస్టిస్ నరసింహా రెడ్డి ఈ నెల 19వ తేదీన మరోసారి జస్టిస్ నరసింహా రెడ్డి కేసీఆర్కు మరో లేఖ రాశారు. ఈ నెల 27వ తేదీ లోపు సమాధానం అందజేయాలని కోరారు.
