హైదరాబాద్‌ లోని రాజేంద్రనగర్ ఔటర్ రింగ్ రోడ్డు పై ఘోర రోడ్డు ప్రమాదం చోటు చేసుకుంది. హిమాయత్ సాగర్ వద్ద డివైడర్ ను ఢీ కొట్టింది ఓ కారు. అయితే.. ఈ తరుణంలో కారులో ప్రయాణిస్తున్న ఇద్దరు మృతి చెందారు. మరో ముగ్గురికి తీవ్ర గాయాలు అయ్యాయి. వారి పరిస్థితి విషమంగా ఉందని సమాచారం. మితిమీరిన వేగంతో దూసుకొని వచ్చి ఔటర్ పై డివైడర్ ను ఢీ కొట్టింది కారు.
అయితే.. 5 పల్టీలు కొట్టిన కారులో నుంచి ఇద్దరు యువకులు కింద పడిపోయారు. ఈ ప్రమాద సమయంలో కారు 180 స్పీడ్ లో ఉన్నట్లు గుర్తించారు పోలీసులు. మృతదేహాలను ఉస్మానియా ఆసుపత్రికి తరలించారు. క్షతగాత్రులను శంషాబాద్ లోని ప్రైవేటు ఆసుపత్రికి తరలించారు. ఈ సంఘటనపై కేసు నమోదు చేసి దర్యాప్తు చేస్తున్నారు పోలీసులు. శంషాబాద్ నుంచి గచ్చిబౌలి వెళ్తుండగా ప్రమాదం జరిగింది. కారులో అందరూ యువకులే……ఇద్దరు యువకులు స్పాట్ లో మృతి చెందారు. ఈ సంఘటన పై ఇంకా వివరాలు తెలియాల్సి ఉంది.
