సికింద్రాబాద్‌- తిరుపతి- సికింద్రాబాద్‌ వందేభారత్‌ ఎక్స్‌ప్రెస్‌ రైలుకు తెలుగు రాష్ట్రాల్లో విశేష ఆదరణ లభిస్తోంది. సికింద్రాబాద్‌- తిరుపతి (20701) మధ్య మంగళవారం మినహా మిగిలిన రోజుల్లో కేవలం ఎనిమిదిన్నర గంటల్లోనే ప్రయాణ సమయం ఉండటంతో రాకపోకలు సాగించే ప్రయాణికుల సంఖ్య పెరుగుతోంది. రిజర్వేషన్ దొరక్క ప్రయాణికులు ఇబ్బందులు ఎదుర్కొంటున్నారు.
రైలులో ప్రస్తుతం 7 ఏసీ బోగీతో పాటు ఒక ఎగ్జిక్యూటివ్‌ ఏసీ కారు బోగీ ఉంది. కేంద్ర సహాయ మంత్రి కిషన్‌రెడ్డి ఇటీవల స్పందిస్తూ.. సికింద్రాబాద్‌- తిరుపతి రైలుకు బోగీల సంఖ్య ఎందుకు తగ్గించారని ప్రశ్నించారని, సికింద్రాబాద్‌- విశాఖపట్నం వందేభారత్‌ ఎక్స్‌ప్రెస్‌ రైలుతో సమానంగా ఏర్పాటు చేయాలని ద.మ.రైల్వే జీఎంను ఆదేశించినట్లు తెలిసింది. దీంతో పెంచే ఆలోచనలో ఉంది. త్వరలోనే 16 బోగీలతో నడిపేందుకు ద.మ.రైల్వే ప్రణాళిక రూపొందిస్తోంది.
తిరుపతి- సికింద్రాబాద్‌ మధ్య రాకపోకలు సాగించే నారాయణాద్రి, వెంకటాద్రి, శబరి, రాయలసీమ తదితర రైళ్లతో సామానంగా టికెట్‌ రిజర్వేషన్ సదుపాయం కల్పించారు. వందేభారత్‌ అందుబాటులోకి రావడంతో సాధారణ రైళ్ల కంటే వందేభారత్‌కు ఆదరణ మరింత పెరిగింది.
