నేడు సీఎం కేసీఆర్‌తో SP చీఫ్ అఖిలేష్ భేటీ కానున్నారు. సమాజ్ వాది పార్టీ చీఫ్, యూపీ మాజీ సీఎం అఖిలేష్ యాదవ్ ఇవాళ హైదరాబాద్ కు రానున్నారు. సీఎం కేసీఆర్ తో ప్రత్యేకంగా సమావేశం కానున్నారు. ఇటీవల పాట్నాలో జరిగిన విపక్షాల భేటీకి BRS హాజరుకాని విషయం తెలిసిందే. ఈ నేపథ్యంలో వీరి భేటీ ఆసక్తికరంగా మారింది. కాగా, గతంలోనూ పలుమార్లు వీరిద్దరూ సమావేశమై దేశ రాజకీయాలపై చర్చించారు.
ఇది ఇలా ఉండగా, నిన్న రాహుల్ వ్యాఖ్యలకు మంత్రి కేటీఆర్ కౌంటర్ ఇచ్చారు. బంగాళాఖాతంలో ఆల్రెడీ నిండా మునిగిన పార్టీ కాంగ్రెస్ అని మంత్రి కేటీఆర్ విమర్శించారు. ‘మా తొమ్మిదేళ్ల పాలన…. వెలుగుల ప్రస్థానం. గత కాంగ్రెస్ పదేళ్ల పాలన… చీకటి అధ్యాయం. కారు స్టీరింగ్ KCR చేతిలో పదిలం కానీ కాంగ్రెస్ పైనే రాహుల్ కు కంట్రోల్ తప్పింది. బీఆర్ఎస్ ను విస్తరిస్తే అంత వణుకెందుకు. జాతీయ రాజకీయాలు మీ జాగీరా. దేశానికి దొరికిన వజ్రాయుధం…BRS’ అని ట్వీట్ చేశారు.
