మాజీ మంత్రి వివేకా హత్య కేసు నిందితులను పోలీసులు కడప జైలు నుంచి హైదరాబాద్ కు తరలించారు. సునీల్ యాదవ్, ఉమా శంకర్ రెడ్డి, దేవిరెడ్డి శివశంకర్ రెడ్డిని నాలుగు వాహనాల్లో ముగ్గురు నిందితులను వేర్వేరుగా పోలీసులు హైదరాబాద్కు తీసుకొచ్చారు. ఇప్పటికే బెయిల్పై ఉన్న ఎర్ర గంగిరెడ్డి, డ్రైవర్ దస్తగిరి హైదరాబాద్ చేరుకున్నారు. నిందితులను ఇవాళ ఉదయం 10 : 30 గంటలకు సీబీఐ కోర్టులో హాజరపరచనున్నారు.
వివేకా హత్య కేసు విచారణ తెలంగాణకు బదిలీ అయిన తర్వాత తొలిసారిగా ఐదుగురు నిందితులు హైదరాబాద్లో సీబీఐ కోర్టు ముందు హాజరుకానున్నారు. కోర్టులో హాజరైన తర్వాత ముగ్గురు నిందితులను తిరిగి కడప జైలుకు తీసుకొస్తారా లేక చంచల్గూడ తరలిస్తారా అనేది తెలియాల్సి ఉంది.
ఇది న్యాయమూర్తి నిర్ణయంపై ఆధారపడి ఉంటుంది. నిందితులను హైదరాబాద్కు తరలిస్తున్న క్రమంలో గురువారం సాయంత్రమే దేవిరెడ్డి శివ శంకర్ రెడ్డి భార్య తులసమ్మ, కుమారుడు చైతన్య రెడ్డి జైలుకెళ్లి ఆయన్ను కలిసి వచ్చారు. శివశంకర్ రెడ్డి అనుచరులు కూడా హైదరాబాద్ చేరుకున్నట్లు సమాచారం.
