అద్దెకు తీసుకున్న ఓ ఇంట్లో గుట్టుచప్పుడు కాకుండా ఓ వ్యక్తి వ్యభిచారాన్ని సాగించి పోలీసులకు చిక్కి కటకటాల పాలయ్యాడు. టాన్స్‌ఫోర్స్‌ సీఐ చంద్రమౌళి వివరాల ప్రకారం.. ఉట్నూర్‌ మండలం గంగన్నపేటకు చెందిన పిండి మల్లికార్జున్, గత కొన్ని రోజులుగా ఆదిలాబాద్‌ పట్టణంలోని టీచర్స్‌ కాలనీలోని ఓ ఇంటిని అద్దెకు తీసుకున్నాడు. ఆ తర్వాత మెల్లిమెల్లిగా వ్యభిచార వ్యపారాన్ని ప్రారంభించాడు. ఈ క్రమంలో విశ్వాసనీయా సమాచారం అందుకున్న టాస్క్‌ఫోర్స్‌ సీఐ పురుషోత్తంతో కలిసి ఆ ఇంటిపై దాడులు చేసి ఓ మహిళ, నిర్వాహకుడు, ఇద్దరు విటులను అదుపులోకి తీసుకుని వారి నుంచి రూ.7700 నగదు, నాలుగు సెల్‌ఫోన్లు, డైరీలు స్వాధీనం చేసుకున్నారు.
ఓ ఉన్నతస్థాయి ఉద్యోగంలో విరమణ చేసిన మల్లికార్జున్ కొంతకాలంగా నిస్సహాయులైన మహిళలతో వ్యభిచారం చేయిస్తున్నట్లు పోలీసులు వెల్లడించారు. దాడుల్లో పాల్గొన్న పోలీస్‌ అధికారులు ఎస్‌కే తాజొద్దీన్, ఏఎస్సై గంగాధర్, జగన్‌సింగ్, రహాత్, సరిత, మౌనికలనున ఉన్నతాధికారుల అభినందించారు.