చాలా రోజుల నుంచి కింగ్ నాగార్జున ఖాతాలో సరైన హిట్ లేదు. ఇటీవల వచ్చిన ది ఘోస్ట్ మూవీ కూడా బాక్సాఫీస్ వద్ద పెద్దగా కాసులు కురిపించలేదు. ప్రేక్షకులను కూడా అంతగా అలరించలేకపోయింది. దసరా కానుకగా రిలీజ్ అయిన ఈ మూవీ మిక్స్డ్ టాక్ తెచ్చుకుంది. థియేటర్లో ఈ మూవీని చూడని కొందరు మాత్రం ఎప్పుడెప్పుడు ఓటీటీలోకి వస్తుందా అని ఎదురుచూస్తున్నారు. వారి ఎదురుచూపులకు తెర పడినట్టే ఇక. ఎందుకంటే గత రాత్రి నుంచి ది ఘోస్ట్ మూవీ నెట్ఫ్లిక్స్లో స్ట్రీమింగ్ అవుతోంది.
యాక్షన్‌ థ్రిల్లర్ నేపథ్యంలో తెరకెక్కిన ఈ మూవీలో నాగార్జున ఇంటర్‌పోల్‌ అధికారిగా నటించాడు. నాగార్జునకు జోడీగా సోనాల్‌ చౌహన్‌ హీరోయిన్‌గా నటించింది. శ్రీ వెంక‌టేశ్వ‌ర సినిమాస్ ఎల్ఎల్‌పి, నార్త్ స్టార్ ఎంట‌ర్టైన‌మెంట్స్ బ్యాన‌ర్‌ల‌పై సునీల్ నారంగ్‌, పుస్కురి రామ్‌మోహ‌న్ రావు, శ‌ర‌త్ మ‌రార్ నిర్మించారు. ప్రస్తుతం నాగార్జున తన కొడుకు అఖిల్‌తో కలిసి ఓ మల్టీస్టారర్‌ చేయబోతున్నాడు. ప్రస్తుతం ప్రీ ప్రొడక్షన్‌ పనులను జరుపుకుంటున్న ఈ చిత్రానికి గాడ్‌ఫాదర్‌ ఫేం మోహన్‌రాజా దర్శకత్వం వహించనున్నాడు.
