నేచురల్ స్టార్ నాని హీరోగా వివేక్ ఆత్రేయ దర్శకత్వంలో తెరకెక్కుతోన్న చిత్రం ‘సరిపోదా శనివారం’ . ఈ సినిమా నుంచి ఓ స్పెషల్ పోస్టర్ను మేకర్స్ విడుదల చేశారు. వచ్చే శనివారం స్పెషల్ ట్రీట్ ఉండబోతోందని ట్వీట్ చేశారు. దీంతో ఆ ట్రీట్ ఏమైఉంటుందా? అని ఫ్యాన్స్ కామెంట్స్ చేస్తున్నారు. వచ్చే శనివారం నాని పుట్టినరోజు కావడంతో.. టీజర్ విడుదల చేసి మూవీ విడుదల తేదీని ప్రకటిస్తారని ఫ్యాన్స్ అభిప్రాయపడుతున్నారు.
ఈ చిత్రంలో ప్రియాంక మోహన్ కథానాయికగా నటిస్తుంది. ఎస్‍జే సూర్య ఈ సినిమాలో కీలక పాత్ర పోషిస్తున్నారు.ఈ చిత్రం ఫస్ట్ గ్లింప్స్ ఆసక్తిని రేకెత్తిస్తుంది. యాక్షన్ థ్రిల్లర్ డ్రామాగా ఈ సినిమా తెరకెక్కుతుంది.నాని,వివేక్ కాంబినేషన్‍లో వచ్చిన ‘అంటే సుందరానికి’ మూవీ కమర్షియల్‍గా ఆశించిన స్థాయిలో హిట్ కాకపోయినా.. మంచి చిత్రంగా గుర్తింపు తెచ్చుకుంది.మిగిలిన రోజుల్లో సాదాసీదాగా ఉంటూ.. శనివారం మాత్రమే శక్తిమంతుడిగా కనిపించే భిన్నమైన కథాంశంతో రానుంది.
