రౌడీ హీరో విజయ్ దేవరకొండకు చక్కటి పేరు తీసుకొచ్చిన సూపర్ హిట్ ఫిల్మ్ ‘పెళ్లి చూపులు’.. సినిమా మేకింగ్ లోనే సరికొత్త రికార్డు క్రియేట్ చేసింది. తరుణ్ భాస్కర్ దర్శకత్వంలో తెరకెక్కిన ఈ పిక్చర్ ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. ఉత్తమ ప్రాంతీయ భాషా చిత్రంగా ఈ మూవీకి అవార్డు కూడా వచ్చింది. ఇక ఇందులో హీరోగా నటించిన విజయ్ దేవరకొండకు, హీరోయిన్ గా నటించిన రీతూ వర్మకు మంచి పేరు వచ్చింది.
హైదరాబాద్ బ్యాక్ డ్రాప్ లో మూవీ స్టోరి ఉండగా, ఇందులో హీరో చెఫ్ గా కనిపిస్తాడు. అయితే, ఈ బ్యూటిఫుల్ స్టోరిని ఇద్దరు టాలీవుడ్ స్టార్ హీరోలు రిజెక్ట్ చేశారు. ఈ విషయాన్ని దర్శకుడు తరుణ్ భాస్కర్ తెలిపారు. తను తీసిన షార్ట్ ఫిల్మ్ ‘సైన్మా’ చూసి మంచు లక్ష్మీ ఫుల్ ఎంప్రెస్ అయిందని తరుణ్ భాస్కర్ పేర్కొన్నారు.
ఈ క్రమంలోనే తనతో ఒక సినిమా చేయాలని అడిగిందట. కానీ, ఆ తర్వాత అది ఎందుకో వర్కవుట్ కాలేదని చెప్పుకొచ్చారు దర్శకుడు తరుణ్ భాస్కర్. ఇక ఆ తర్వాత హైదరాబాద్ బ్యాక్ డ్రాప్ లో ‘పెళ్లి చూపులు’ స్టోరి రెడీ చేసుకుని హీరోలకు కథలు వినిపించడం స్టార్ట్ చేశానని వివరించాడు తరుణ్ భాస్కర్.
ఈ సినిమా స్టోరిని తొలుత అక్కినేని అఖిల్ కు వినిపించగా, ఆయన తిరస్కరించాడని తెలిపారు తరుణ్ భాస్కర్. ఆ తర్వాత సేమ్ స్టోరిని మెగా ప్రిన్స్ వరుణ్ తేజ్ కు వినిపించగా, ఆయన కూడా రిజెక్ట్ చేశారట.
అలా ఈ సినిమా స్టోరి విజయ్ దేవరకొండ వద్దకు వచ్చింది. ఇక విజయ్ దేవరకొండ-తరుణ్ భాస్కర్ లో వచ్చిన ఈ పిక్చర్ ఎంతటి సూపర్ హిట్ అయిందో అందరికీ తెలుసు. విజయ్ దేవరకొండ ప్రజెంట్ హీరోగా ఫుల్ బిజీగా ఉన్నారు. పాన్ ఇండియా హీరోగా ‘లైగర్ ’ ఫిల్మ్ తో లాంచ్ కానున్నాడు ది విజయ్ దేవరకొండ.
