ఒక సినిమా రిలీజ్ కి ముందే అందులో నటించిన హీరో హీరోయిన్లకి స్టార్ స్టేటస్ తెచ్చిపెట్టిందంటే అది ఉప్పెన సినిమానే కావచ్చు. ఈ సినిమాకి ఇంతలా హైప్ రావడానికి గల చాలా కారణాల్లో ఆ చిత్ర దర్శకుడు బుచ్చిబాబుది పెద్ద పాత్రే. ఆ విషయం ప్రతీచోట అందరూ చెబుతూనే ఉన్నారు. ఈ రోజు సినిమా రిలీజయ్యింది. విడుదలైన అన్ని చోట్ల నుమ్డి పాజిటివ్ రెస్పాన్సే వస్తుంది. ఈ నేపథ్యంలో దర్శకుడు బుచ్చిబాబుపై ప్రశంసలు కురుస్తున్నాయి.
తాజా సమాచారం ప్రకారం బుచ్చిబాబుకి వరుస్ద ఆఫర్లు వస్తున్నాయట. ఐతే తన రెండవ చిత్రం మైత్రీ మూవీ మేకర్స్ బ్యానర్లోనే ఉంటుందని తెలుస్తుంది. బుచ్చుబాబు మీద ఉన్న నమ్మకంతో మైత్రీ మూవే మేకర్స్ నిర్మాతలు, ఈ సారి స్టార్ హీరోతో సినిమా చేయాలని అనుకుంటున్నారట. అందుకోసం ఆల్రెడీ మూడు ఆప్షన్లు ఇచ్చారట. ఆ ఆప్షన్లలో జూనియర్ ఎన్టీఆర్ కూడా ఉన్నారట. అంటే అన్నీ కుదిరితే బుచ్చుబాబు తన రెండవ సినిమాని ఎన్టీఆర్ తో తెరకెక్కించే అవకాశం ఉంది. మరేం జరుగుతుందో చూడాలి.
