మొబైల్స్ త‌యారీదారు షియోమీ కొత్త‌గా రెడ్‌మీ స్మార్ట్ బ్యాండ్ పేరిట ఓ నూత‌న స్మార్ట్ బ్యాండ్‌ను భార‌త్‌లో విడుద‌ల చేసింది. ఇందులో 1.08 ఇంచుల చ‌తుర‌స్రాకార క‌ల‌ర్ టచ్ డిస్‌ప్లేను ఏర్పాటు చేశారు. ఈ బ్యాండ్ 14 రోజుల వరకు బ్యాటరీ బ్యాక‌ప్‌ను ఇస్తుంది. దీనికి బిల్టిన్ చార్జింగ్ పోర్ట్‌ను ఏర్పాటు చేశారు. యూఎస్‌బీ పోర్టు కావ‌డంతో దీన్ని పీసీకి సుల‌భంగా క‌నెక్ట్ చేసుకుని కూడా చార్జింగ్ చేసుకోవ‌చ్చు.
ఈ బ్యాండ్‌లో హార్ట్ రేట్ సెన్సార్‌ను ఏర్పాటు చేశారు. యాక్టివిటీ ట్రాక‌ర్ ఉంది. స్లీప్ మానిట‌ర్ ఫీచ‌ర్‌ను అందిస్తున్నారు. సెడెంట‌రీ రిమైండ‌ర్‌, వాట‌ర్ రెసిస్టెన్స్ ఫీచ‌ర్ల‌ను కూడా అందిస్తున్నారు. బ్లూటూత్ 5.0 ద్వారా ఈ బ్యాండ్ ను ఆండ్రాయిడ్‌, ఐఓఎస్ డివైస్‌ల‌కు క‌నెక్ట్ చేయ‌వ‌చ్చు. స్టెప్ కౌంట‌ర్‌, యాప్స్‌, కాల్స్ నోటిఫికేష‌న్లు త‌దిత‌ర ఫీచ‌ర్ల‌ను కూడా ఇందులో అందిస్తున్నారు.
ఈ బ్యాండ్‌లో ఉన్న 130 ఎంఏహెచ్ బ్యాటరీ వ‌ల్ల బ్యాటరీ బ్యాక‌ప్ ఎక్కువ వ‌స్తుంది. ఈ బ్యాండ్ బ్లాక్ క‌ల‌ర్ స్ట్రాప్స్‌తో బ్లూ, బ్లాక్, గ్రీన్‌, ఆరెంజ్ క‌ల‌ర్ ఆప్ష‌న్ల‌లో విడుద‌లైంది. రూ.1599 ధ‌ర‌కు ఈ బ్యాండ్‌ను వినియోగ‌దారులు అమెజాన్ లేదా ఎంఐ ఆన్‌లైన్ స్టోర్‌, ఎంఐ హోమ్ స్టోర్‌ల‌లో కొనుగోలు చేయ‌వ‌చ్చు. సెప్టెంబ‌ర్ 9 నుంచి విక్ర‌యిస్తారు.
