కేరళ వరద బాధితుల కోసం కేఎంసీ కన్ స్ట్రక్షన్స్ అధినేత, వైసీపీ ఎమ్మెల్యే మేకపాటి గౌతమ్ రెడ్డి కోటి రూపాయల విరాళం ప్రకటించారు. వ్యక్తిగతంగా, తన సంస్థ తరుఫున ఈ విరాళాన్ని అందజేయనున్నట్లు తెలిపారు. కేరళ ముఖ్యమంత్రి ని కలిసి ఈ విరాళాన్ని ముఖ్యమంత్రి సహాయనిధికి అందించనున్నట్లు వివరించారు. ఈ నెల 28,29 తేదీల్లో కేరళ వెళ్తానన్నారు. వరద బాధితుల పునరావాసం, ఇతర సేవా కార్యక్రమాల కోసం ఈ డబ్బుని వినియోగించాలని కోరనున్నారు. అయితే కేరళ వరద బాధితులకు తెలుగు రాష్ట్రాల నుంచి వచ్చిన భారీ విరాళాల్లో ఇది ఒకటి. మొత్తాన్ని చెక్ రూపంలో అందజేయనున్నట్లు తెలిపారు. ఈయన నెల్లూరు జిల్లా ఆత్మకూరు నియోజకవర్గం నుంచి ప్రస్తుతం ప్రాతినిధ్యం వహిస్తున్నారు.
