ప్ర‌ముఖ ఫోన్ కంపెనీ నోకియా తమ సంస్థ నుంచి అద్భుతమైన స్మార్ట్ఫోన్ నోకియా 6.2 పేరిట భారత మార్కెట్లలో శుక్రవారం విడుదలైంది. గత నెలలో బెర్లిన్‌లో జరిగిన ఐఎఫ్‌ఎ టెక్ ఫెయిర్‌లో మొదట హెచ్‌ఎండి గ్లోబల్ ఈ ఫోన్‌ను ఆవిష్కరించింది. 4జీబీ ర్యామ్‌/64 జీబీ స్టోరేజ్‌ ధర రూ. 15,999. అమెజాన్‌లో నోకియా 6.2 (సిరామిక్ బ్లాక్ వెర్షన్ ) అమ్మకాలు మొదలయ్యాయి. మిడ్‌ రేంజ్‌ సెగ్మెంట్‌లో నోకియా 6.2 పేరుతో లాంచ్ అయిన ఈ స్మార్ట్ఫోన్ ఫీచ‌ర్ల విషయానికి వస్తే.. 6.3 అంగుళాల ఫుల్-హెచ్‌డి + డిస్‌ప్లే, వాటర్‌డ్రాప్-స్టైల్ నాచ్, 3,500 ఎంఏహెచ్ బ్యాటరీ, 16+ 5 + 8 ఎంపీ ట్రిపుల్‌ రియర్‌ కెమెరా ఉన్న‌ట్టు తెలుస్తోంది.
అలాగే 8ఎంపీ సెల్ఫీ కెమెరా, 4జీబీ ర్యామ్‌/64జీబీ స్టోరేజ్‌, 512 జీబీ దాకా విస్తరించుకునే సదుపాయం, హెచ్‌డిఆర్ 10 సపోర్ట్, గొరిల్లా గ్లాస్ 3 ప్రొటెక్షన్‌, 500 నిట్స్ పీక్ బ్రైట్‌నెస్‌ లాంటివి ఉన్నాయి. ఆఫర్ల విషయానికి వస్తే హెచ్‌డిఎఫ్‌సి బ్యాంక్ డెబిట్ కార్డులను ఉపయోగించి చేసిన కొనుగోళ్లపై 2,000 రూపాయలు క్యాష్‌బ్యాక్‌. కొనుగోలుదారులు తమ పాత స్మార్ట్‌ఫోన్‌ను మార్పిడి చేసుకుంటే 10,100 వరకు ఆఫర్‌ను అందిస్తోంది.
