ఆధార్ కార్డ్ అనేది బ్యాంకింగ్ సేవల నుంచి ముఖ్యమైన ప్రభుత్వ పథకాలను పొందే వరకు చాలా ముఖ్యమైన పత్రం. 10 ఏళ్లు దాటిన ఆధార్ కార్డును అప్డేట్ చేయడం తప్పనిసరి అని యూనిక్ ఐడెంటిఫికేషన్ అథారిటీ ఆఫ్ ఇండియా (యూఐడీఏఐ) తెలిపింది. మీ ఆధార్ కార్డ్‌లో మొబైల్ నంబర్‌తో సహా మొత్తం సమాచారాన్ని అప్డేట్ చేయడం అవసరం. మీరు మీ ఆధార్ కార్డ్‌లో మీ మొబైల్ నంబర్‌ను మార్చాలనుకుంటే లేదా మొబైల్ నంబర్‌ను జోడించాలనుకుంటే, మీరు సమీపంలోని ఆధార్ సేవా కేంద్రానికి వెళ్లి చేసుకోవచ్చు. ఆధార్ కార్డ్‌లో మొబైల్ నంబర్‌ను ఎలా అప్డేట్ చేయాలో ఇప్పుడు తెలుసుకుందాం.
UADAI వెబ్‌సైట్ uidai.gov.inని సందర్శించండి. ‘లోకేట్ ఎన్‌రోల్‌మెంట్ సెంటర్’ ఎంపికపై క్లిక్ చేయండి. ఇది మీకు సమీపంలోని ఆధార్ సేవా కేంద్ర సమాచారాన్ని అందిస్తుంది. అక్కడ మీరు మీ మొబైల్ నంబర్‌ను అప్డేట్ చేసుకోవచ్చు.
ఆధార్ కేంద్రాన్ని సందర్శించండి: మీరు గుర్తించిన సమీపంలోని ఆధార్ నమోదు కేంద్రాన్ని సందర్శించండి. దీనిపై అక్కడి సిబ్బందిని ఆరా తీస్తే.. మొబైల్ నంబర్‌ను అప్డేట్ చేసే ప్రక్రియపై దిశానిర్దేశం చేస్తారు.
అప్లికేషన్‌ను పూర్తి చేయండి: మీ మొబైల్ నంబర్‌ను అప్డేట్ చేయడానికి అప్లికేషన్‌ను పూరించండి. దరఖాస్తును జాగ్రత్తగా పూరించాలి. ఏవైనా పొరపాట్లు జరగకుండా వివరాలను తనిఖీ చేయండి.
అప్లికేషన్‌ను సమర్పించండి: అప్లికేషన్‌ను పూరించిన తర్వాత, దానిని ఆధార్ సెంటర్ సిబ్బందికి సమర్పించండి. వారు దరఖాస్తును పరిశీలిస్తారు. గుర్తింపు రుజువు, చిరునామా రుజువు మరియు ఇప్పటికే ఉన్న మీ ఆధార్ కార్డ్‌తో సహా అవసరమైన పత్రాలను తీసుకెళ్లండి.
ఫీజు చెల్లించండి: మీరు రూ.50 చెల్లించాల్సి ఉంటుంది.. కొందరు వంద రూపాయలకు కూడా ఛార్జ్‌ చేస్తారు.
URN నంబర్ పొందండి: రుసుము చెల్లించిన తర్వాత ఆధార్ సెంటర్ సిబ్బంది మీకు URN స్లిప్ ఇస్తారు. మీ మొబైల్ నంబర్ అప్డేట్ అభ్యర్థన స్థితిని ట్రాక్ చేయడానికి URN అవసరం.
స్థితిని తనిఖీ చేయండి: మీ మొబైల్ నంబర్ అప్డేట్ స్టేటస్‌ తెలుసుకోవడానికి.. UIDAI అధికారిక వెబ్‌సైట్ myaadhaar.uidai.gov.in .ని సందర్శించండి. ఆ తర్వాత ‘చెక్ ఎన్‌రోల్‌మెంట్’ విభాగాన్ని క్లిక్ చేసి అక్కడ మీ URNని ఇతర అవసరమైన సమాచారంతో నింపండి. మీ మొబైల్ నంబర్ అప్డేట్ అభ్యర్థన యొక్క ప్రస్తుత స్థితి స్క్రీన్‌పై కనిపిస్తుంది.
అప్డేట్ కోసం వేచి ఉండండి: మీ మొబైల్ నంబర్ అప్డేట్ అభ్యర్థనను సమర్పించిన తర్వాత, UIDAI డేటాబేస్‌లో అప్డేట్ చేయబడిన మొబైల్ నంబర్‌ను ఎన్‌రోల్‌ అవుతుంది. ఆధార్ కార్డ్‌లో మొబైల్ నంబర్‌ను విజయవంతంగా అప్డేట్ చేయడానికి 90 రోజులు పడుతుంది. ఈ వ్యవధిలో మీరు మీ ఆధార్ నంబర్‌తో లింక్ చేయబడిన ప్రస్తుత మొబైల్ నంబర్‌ను ఉపయోగించవచ్చు.
