ఆనంద్ దేవరకొండ నటించిన మిడిల్ క్లాస్ మెలోడీస్ అమెజాన్ ప్రైమ్ లో స్ట్రీమింగ్ అవుతుంది. ఇప్పటి వరకు ఈ సినిమా గురించి పాజిటివ్ రెస్పాన్సే బయటకి వచ్చింది. మిడిల్ క్లాస్ అబ్బాయిగా ఆనంద్ నటన, మధ్యతరగతి యువకుడి జీవితాన్ని దర్శకుడు చూపించిన తీరు ఆకట్టుకునేలా ఉందంటూ ప్రశంసలు దక్కుతున్నాయి. ఈ నేపథ్యంలో చిత్రబృందం సినిమా ప్రమోషన్లలో బిజీగా ఉంది.
ఈ ప్రమోషన్లలో ఆనంద్ దేవరకొండ ఆసక్తికర విషయాలు వెల్లడి చేసాడు. అన్న విజయ్ దేవరకొండతో కలిసి సినిమా చేస్తారా అని అడిగితే, నాకూ చేయాలనే ఉంది. కానీ దానికి నాకు చాలా టైమ్ కావాలి. ఇప్పుడప్పుడే అన్నతో కలిసి సినిమా చేయలేను. ఓ పది సినిమాలు పూర్తయితే తప్ప అన్నతో కలిసి తెర పంచుకోలేను అని చెప్పాడు. భవ్య క్రియేషన్స్ బ్యానర్ లో రూపొందిన మిడిల్ క్లాస్ చిత్రాన్ని వినోద్ అనంతోజు డైరెక్ట్ చేసాడు. వర్ష బొల్లమ్మ హీరోయిన్ గా కనిపించింది.
