ఈ మధ్య కాలంలో సోషల్ మీడియాలో వచ్చే వార్తలకి అంతే లేకుండా పోతోంది. ఏదో ఒక నకిలీ వార్త పుట్టుకొస్తోంది. తాజాగా సోషల్ మీడియాలో ఒక పాఠశాలకు సంబంధించిన వార్త వైరల్ గా మారింది. ఈ పాఠశాల పై కప్పు విరిగిపోయిందని.. గుజరాత్ స్కూల్లో ఈ సంఘటన జరిగిందని ప్రధాని నరేంద్ర మోడీ ఫోటో ని కూడా పెట్టి సోషల్ మీడియాలో దానిని వైరల్ గా మార్చారు.
పైగా ట్విట్టర్ లో ఆ ఫోటోని పోస్ట్ చేసి దాని మీద గుజరాత్ ప్రభుత్వం కొత్తగా సోలార్ పవర్ స్కూల్ ని మొదలు పెట్టిందని మోదీకి కృతజ్ఞతలు అని రాసి ఉంది. అయితే ఈ ఫోటోలో నిజమెంత అనేది చూస్తే… ఈ ఫోటో గుజరాత్ గవర్నమెంట్ కి సంబంధించినది కాదని.. అల్మోరా ఉత్తరాఖండ్ లోనిది అని తెలుస్తోంది.
Gujarat government just opened new Solar Power⚡ School🎒📚 Thanks Modiji 🙏🤣😁😁🤭🤭 pic.twitter.com/FqTVuGnHZi
— Krishna🌹🇮🇳 🏹 (@krishna76_h) November 22, 2021
ఉత్తరాఖండ్ లో ఆ స్కూల్ పైకప్పు పడిపోయిందని తెలుస్తోంది అయితే తల్లిదండ్రులు ఆ స్కూల్ పనిచేయాలని చెప్పినప్పటికీ ఎడ్యుకేషన్ డిపార్ట్మెంట్ పట్టించుకోలేదు. అయితే ఈ ఫోటో ఇప్పటిది కాదు మార్చి 12, 2018 లోనిది. అప్పటి ఫోటోని తీసుకువచ్చి ఇప్పుడు ప్రధాని ఫోటోతో పాటు సోషల్ మీడియాలో తెగ షేర్ చేస్తున్నారు. ఇవన్నీ చూస్తుంటే ఇది ఫేక్ వార్త అని స్పష్టంగా తెలుస్తోంది.
