ఉమ్మడి వరంగల్ : ములుగు: వాహనం ఢీ.. వ్యక్తి స్పాట్ డెడ్

ఏటూరు నాగారం మండల కేంద్రంలో జరిగిన రోడ్డు ప్రమాదంలో ఒకరు దుర్మరణం చెందిన ఘటన శనివారం రాత్రి జరిగింది. మండల కేంద్రానికి చెందిన గజ్జల రమేష్ (48) అనే వ్యక్తి రోడ్డుపై నడుచుకుంటూ వెళ్తుండగా గుర్తు తెలియని వాహనం ఢీకొట్టింది. ఈ ప్రమాదంలో రమేష్ తల పగిలి ఘటనా స్థలంలోనే మృతి చెందాడు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.