ఓ కారు సృష్టించిన బీభత్సానికి ఓ కుటుంబం బలైన ఘటన మహారాష్ట్రలోని నాగ్పుర్లో చోటుచేసుకుంది. నగరంలోని సక్కర్దార వంతెనపై వేగంగా వస్తున్న ఓ కారు అదే దారిలో వస్తున్న వాహనాలపైకి దుసుకెళ్లింది. ఈ క్రమంలో ఎదురుగా వస్తున్న ద్విచక్రవాహనాన్ని బలంగా ఢీకొట్టడంతో ఒకే కుటుంబానికి చెందిన నలుగురు మృతి చెందారు. కారు డ్రైవర్ను అదుపులోకి తీసుకున్న పోలీసులు కేసు నమోదు చేసుకుని దర్యాప్తు చేపడుతున్నారు.
నిందితుడు గణేశ్ అధావ్ తన స్నేహితుని కారు తీసుకుని బుట్టిబోరినికి వెళ్తున్నాడు. బ్రిడ్జ్పై ఎవరూ లేరని భావించి కారు స్పీడ్‌ని పెంచాడు. మితిమీరిన వేగంతో ఎదురుగా వస్తున్న మూడు వాహనాలను వరుసగా ఢీకొట్టాడు. అందులో ఓ బైక్పై ఒక వ్యక్తి, అతని తల్లి, ఇద్దరు పిల్లలు ప్రయాణిస్తున్నారు. కారు ఢీకొట్టడం వల్ల వారు వంతెనపై నుంచి కింద పడిపోయారు. నీటిలో పడిపోయిన నలుగురు అక్కడికక్కడే మృతి చెందారు.
