ఆంధ్రప్రదేశ్‌ రెవెన్యూ శాఖలో గ్రూప్- 4 ఉద్యోగాల భర్తీకి నిర్వహించిన ప్రిలిమ్స్ పరీక్ష ఫలితాలు విడుదలయ్యాయి. గ్రూప్-4 జూనియర్‌ అసిస్టెంట్‌ నియామకాల కోసం ఏపీపీఎస్సీ ఈ ఏడాది జులై 31న నిర్వహించిన ఈ పరీక్ష ఫలితాలను ఏపీపీఎస్సీ అధికారిక వెబ్‌సైట్‌ లో చెక్‌ చేసుకోవచ్చు. ప్రిలిమినరీ పరీక్షలో అర్హత సాధించినవారు మెయిన్స్ పరీక్ష రాయడానికి అర్హత సాధిస్తారు. ఈ క్రమంలో స్క్రీనింగ్‌ పరీక్షలో ఎంపికైన వారి వివరాలను ఏపీపీఎస్సీ వెబ్‌సైట్‌లో అందుబాటులో ఉంచింది. కాగా ఏపీపీఎస్సీ గ్రూప్ 4 పరీక్షకు 2,11,341 మంది అభ్యర్ధులు రిజిస్ట్రేషన్‌ చేసుకున్నారు. వీరిలో 11,574 మంది అభ్యర్థులు మెయిన్స్ పరీక్షకు అర్హత సాధించినట్లు అధికారులు వెల్లడించారు. మెయిన్స్ ప‌రీక్ష‌ను ఎప్పుడు నిర్వ‌హించ‌నున్న విష‌యాన్ని త్వ‌ర‌లోనే వెల్ల‌డించ‌నున్న‌ట్లు ఏపీపీఎస్సీ తెలిపింది.
గ్రూప్-4 ఫలితాలతోపాటు, ఫైనల్ కీని కూడా ఏపీపీఎస్సీ విడుదల చేసింది. వెబ్‌సైట్‌లో కీని అందుబాటులో ఉంచింది. ఆగస్టు 2న ప్రాథమిక కీ విడుదల చేసిన సంగతి తెలిసిందే. దీనిపై అభ్యంతరాలు స్వీకరణ అనంతరం అక్టోబరు 12న ఫైనల్ కీని విడుదల చేసింది.
