సినిమా ఇండస్ట్రీలో అరుదైన విషయాలు అప్పుడప్పుడు జరుగుతూ ఉంటాయి. అలాంటి వాటిలో ఇప్పుడు చిరంజీవి, బాలకృష్ణ సినిమాలు సంక్రాంతి బరిలో పోటీ పడడమే కాకుండా రెండు సినిమాలు కూడా మైత్రి మూవీ మేకర్స్ బ్యానర్లో నిర్మించడమే కావడం గమనార్హం. అంతేకాదు ఈ రెండు సినిమాలలో కూడా శృతిహాసన్ హీరోయిన్ గా నటిస్తూ సంక్రాంతి బరిలో పోటీకి దిగింది. మరి చిరంజీవి నటించిన వాల్తేరు వీరయ్య సినిమాలో శృతిహాసన్ రా ఏజెన్సీగా కనిపించింది. అలాగే బాలకృష్ణ నటించిన వీర సింహారెడ్డి సినిమాలో కూడా శృతిహాసన్ నటించింది కానీ ఈ సినిమాలో ఈమె పాత్రకు పెద్దగా స్కోప్ లేదని తెలుస్తోంది.
మరి శృతిహాసన్ కు రెండు సినిమాలలో ఏ సినిమా మంచి పేరు తీసుకొచ్చింది అనే విషయానికి వస్తే.. శృతిహాసన్ నటించిన వీర సింహారెడ్డి సినిమా టాక్ పరంగా ప్రేక్షకులను మెప్పించలేకపోయింది.. కానీ కలెక్షన్స్ పరంగా దూసుకుపోతున్న ఈ సినిమాలో శృతిహాసన్ నటించిన తీరు చూసి అందరూ విసుగు తెచ్చుకున్నారు. ఇలాంటి క్యారెక్టర్ ఎందుకు ఎంచుకుంది? ఇలా నటిస్తోంది ఏంటి?అని అంతా అనుమానం వ్యక్తం చేశారు. పాటలకు తప్ప ఇంకెందుకు ఈమెను వాడుకోలేకపోయింది వీర సింహారెడ్డి టీం అని విమర్శలు కూడా వచ్చాయి.
కానీ వాల్తేరు వీరయ్య సినిమాలో శృతిహాసన్ అందంగా కనిపించడమే కాదు పాత్రకు తగ్గట్టుగా ఇంపార్టెన్స్ కూడా ఉంది . చిరంజీవితో ఒక చిన్న ఫైట్ కూడా ఉంటుంది. అలా ఈ సినిమాలో శృతిహాసన్ తన నటన, అందం, ఫైట్ సీన్స్ లో అందరిని ఆకట్టుకుంది. వాల్తేరు వీరయ్య సినిమాలో శృతిహాసన్ అదరగొట్టేశారు అని కూడా సమాచారం.ఇకపోతే వీరసింహారెడ్డి సినిమా ద్వారా వచ్చిన నెగటివ్ టాక్ వాల్తేరు వీరయ్యతో తొలగిపోయిందని చెప్పవచ్చు. మొత్తానికి అయితే శృతిహాసన్ కి 2023 సంక్రాంతి పండుగ సందర్భంగా వాల్తేరు వీరయ్య గొప్ప విజయాన్ని అందించారని చెప్పడంలో సందేహం లేదు..
