కొత్త డైరెక్టర్ కార్తీక్ వర్మ దండు దర్శకత్వంలో సాయిధరమ్ తేజ్ హీరోగా మలయాళీ బ్యూటీ సంయుక్త మీనన్ హీరోయిన్గా తెరకెక్కిన తాజా చిత్రం విరూపాక్ష. ఇటీవలే విడుదలైన ఈ సినిమా మంచి రెస్పాన్స్ పొందుతోంది. సాధారణంగా ఇండస్ట్రీలో ఏ సినిమా అయినా సరే మంచి విజయం సొంతం చేసుకుంది అంటే కచ్చితంగా ఆ సినిమాకి పార్ట్ 2 ఉండాలని అభిమానులు కోరుకుంటూ వుంటారు. ఈ క్రమంలోనే విరూపాక్ష 2 కూడా ఉంటుందా అని అందరూ ప్రశ్నిస్తున్న నేపథ్యంలో సాలిడ్ రిప్లై ఇచ్చారు సాయి ధరంతేజ్.
ఇకపోతే ఈ సినిమా కలెక్షన్స్ విషయానికి వస్తే.. మొదటి రోజే పాజిటివ్ రెస్పాన్స్ అందుకున్న ఈ సినిమా బాక్స్ ఆఫీస్ వద్ద సాలిడ్ కలెక్షన్లతో దూసుకుపోతోంది. తొలి మూడు రోజుల్లో కళ్ళు చెదిరే వసూలతో సత్తా చాటింది. ఇక ఈ సినిమా కలెక్షన్స్ పై సంతోషం వ్యక్తం చేస్తున్న చిత్రం యూనిట్ ప్రేక్షకులకు ధన్యవాదాలు తెలిపారు. ఇక ఈ సినిమా సక్సెస్ తో సాయి ధరంతేజ్ పూర్తి హ్యాపీగా ఉన్నాడు. ఈ క్రమంలోనే తాజాగా అభిమానులతో ముచ్చటించాడు. అందులో భాగంగానే విరూపాక్ష 2 మూవీ పై ఒక అభిమాని ప్రశ్నించగా ఈ సినిమా ఖచ్చితంగా ఉంటుంది అన్నట్టుగా సినిమాలోనే హింట్ ఇచ్చాము కదా అంటూ తేజు తెలిపాడు. విరూపాక్ష 2 కూడా ఉండబోతోంది అని తెలిసి అభిమానులు సంతోషం వ్యక్తం చేస్తున్నారు.
మొత్తానికైతే విరూపాక్షతో ప్రేక్షకులను భయపెట్టిన సాయి ధరంతేజ్ సీక్వెల్ తో ఏ విధంగా భయపెట్టబోతాడు అనేది ఇప్పుడు మరింత హాట్ టాపిక్ గా మారింది. ఇక మరి సీక్వెల్లో కూడా సంయుక్త మీనన్ హీరోయిన్గా నటిస్తారా లేక వేరే అమ్మాయిని తీసుకుంటారా అన్నది కూడా ఇప్పుడు ప్రశ్నార్థకంగా మారింది.
