ఈ నెల 28వ తేదీన విజయవాడకు రజనీకాంత్, బాలయ్య రానున్నారు. ఈ సందర్భంగా ఎన్టీఆర్ శత జయంతి ఉత్సవాల్లో పాల్గొననున్నారు రజనీకాంత్, బాలయ్య, చంద్రబాబు. ఎన్టీఆర్ చారిత్రాక ప్రసంగాలతో కూడిన పుస్తకాన్ని విడుదల చేయనుంది ఎన్టీఆర్ శత జయంతి ఉత్సవాల సావనీర్ కమిటీ. ఈ కార్యక్రమం నిర్వహించే ప్రాగంణంలో పనులు ప్రారంభిస్తూ భూమి పూజ చేశారు కమిటీ ఛైర్మన్ టీడీ జనార్దన్, టీడీపీ నేతలు.
ఈ సందర్భంగా ఎన్టీఆర్ శత జయంతి ఉత్సవాల సావనీర్ కమిటీ ఛైర్మన్ టీడీ జనార్ధన్ మాట్లాడుతూ… ఎన్టీఆర్ శత జయంతి ఉత్సవాలను ఘనంగా నిర్వహిస్తున్నామని.. ఈ నెల 28వ తేదీన జరిగే సభకు చంద్రబాబు, రజనీకాంత్, బాలకృష్ణ వస్తున్నారన్నారు. ఈ కార్యక్రమంలో ఎన్టీఆర్ ప్రసంగాల పుస్తకం ఆవిష్కరిస్తామని… ఎన్టీఆర్ వెబ్ సైట్, సావనీర్ హైదరాబాద్ లో త్వరలోనే ఆవిష్కరిస్తామని వెల్లడించారు. ఎన్టీఆర్ యాప్ ను నారా లోకేష్ ప్రారంభిస్తారని… రామారావు గారికి రామారావుగారే సాటి అన్నారు.
