హైదరాబాద్, 25 ఏప్రిల్: తెలుగు టీవీ పరిశ్రమలో అత్యంత వినోదభరితమైన టీవీ ఛానెల్‌లలో ఒకటైన జీ తెలుగు, ఎల్లప్పుడూ కొత్తకొత్త కార్యక్రమాలతో ప్రేక్షకులను అలరించేందుకు సిద్ధంగా ఉంటుంది. టెలివిజన్‌ చరిత్రలో ఎన్నడూ లేనివిధంగా ఓ సరికొత్త కార్యక్రమంతో ప్రేక్షకులకు వినోదం పంచేందుకు సిద్ధమైంది జీ తెలుగు. తెలుగు రాష్ట్రాల ప్రేక్షకులకు అత్యంత ఇష్టమైన సీరియల్ ప్రేమ ఎంత మధురం. ప్రస్తుతం ఈ సీరియల్ అను, ఆర్య తల్లిదండ్రులు కాబోతున్న ఆనంద క్షణాలతో కొనసాగుతోంది. ఈ ఆనందాన్ని రెట్టింపు చేస్తూ వీక్షకులతో పంచుకునేందుకు ఘనంగా అను సీమంతం వేడుకతో మీ ముందుకు రాబోతోంది జీ తెలుగు.
ఈ ప్రత్యేక కార్యక్రమంలో జీ తెలుగు అన్ని సీరియల్స్లోని నటీనటులు పాల్గొని అను, ఆర్యలను ఆశీర్వదించనున్నారు. అను సీమంతం వేడుక ఏప్రిల్ 30, ఆదివారం సాయంత్రం 6 గంటలకు కేవలం జీ తెలుగులో మాత్రమే.
జీ తెలుగు అందిస్తున్న అను సీమంతం వేడుక ఎన్నో మధురమైన మరుపురాని క్షణాలను మీకోసం తీసుకొస్తోంది. జీ తెలుగు సీరియల్స్లోని ప్రధాన నటీనటుల గ్రాండ్ ఎంట్రీతో ఘనంగా మొదలయ్యే ఈ కార్యక్రమం ఆద్యంతం ఆహ్లాదభరితంగా సాగుతుంది. ఇక, ఈ కార్యక్రమంలో పాల్గొన్న వారందరూ అనుని మనసారా ఆశీర్వదిస్తారు. ఆర్య ఎంట్రీ తర్వాత నటీనటులు అంతా కలిసి సరదాగా అంత్యాక్షరి ఆడుతారు. ఆర్య, అనుతో కలిసి నటీనటుల సరదా సంభాషణ, పుట్టబోయేది పాప? బాబు? అనే ప్రశ్నలు, సమాధానాలతో వినోదభరితంగా సాగుతుంది. మీ అభిమాన నటీనటులు సాయి కిరణ్, జయశ్రీ, ప్రీతి శర్మ, సుజిత్, రాఖీ, ఐశ్వర్య, అంజనా, రాజీవ్ మొదలైన జంటల మధ్య జరిగే ఫుడ్ గేమ్ ప్రేక్షకులను కడుపుబ్బా నవ్విస్తుంది.
అను సీమంతం వేడుకకు వరలక్ష్మీ శరత్ కుమార్ ప్రత్యేక అతిథిగా రానున్నారు. సామజవరగమన మూవీ టీం, రామబాణం ఫేం డింపుల్ హయాతీ సందడి, మ్యూజికల్ చైర్స్, ఆటలు, పాటలు, డ్యాన్సులు, జోకులతో నిండిన అను సీమంతం వేడుక జీ తెలుగు ప్రేక్షకులకు చక్కని వినోదాన్ని అందిస్తుంది.
జీ తెలుగు అందిస్తున్న అరుదైన కానుక, అను సీమంతం వేడుక.. ఈ ఆదివారం సాయంత్రం 6 గంటలకు, మీ జీ తెలుగులో.. తప్పక చూడండి!
