అర్జున్ రెడ్డి’, ‘కబీర్ సింగ్’ సినిమాలతో సూపర్ స్టార్డమ్ సంపాదించుకున్నాడు డైరెక్టర్ సందీప్ రెడ్డి వంగా. ఈ సినిమాలతో ఏకంగా బాలీవుడ్ స్టార్ హీరో రణ్బీర్ కపూర్ను డైరెక్ట్ చేసే ఛాన్స్ దక్కించుకున్నాడు. రణ్బీర్ ప్రధాన పాత్రలో.. అనిల్ కపూర్, బాబీ డియోల్, రష్మిక మందన్న కీలక పాత్రల్లో నటిస్తున్న సినిమా యానిమల్. సందీప్ రెడ్డి వంగా తెరకెక్కించిన ఈ చిత్రం ప్రీ టీజర్ను ఇవాళ మేకర్స్ రిలీజ్ చేశారు.
50 సెకన్లు ఉన్న ఈ ప్రచార చిత్రంలో రణ్బీర్లో ఫస్ట్లుక్లో ఉన్నట్టుగా గొడ్డలిని పట్టుకుని విలన్ల గుంపును నరుక్కుంటూ వెళ్లారు. బ్యాక్గ్రౌండ్లో ఓ సాంగ్ వచ్చింది. క్రైమ్ అండ్ యాక్షన్‌ థ్రిల్లర్‌గా సినిమా రూపొందుతోంది. ఈ చిత్రాన్ని ఆగస్టు 11న థియేటర్లలో పాన్ ఇండియా స్థాయిలో విడుదల చేయనున్నారు. హిందీ, తెలుగుతో పాటు తమిళం, మలయాళం, కన్నడ భాషల్లో కూడా రిలీజ్ కానున్నట్లు సమాచారం. ఇక ‘యానిమల్’పై ఆడియెన్స్ అంచనాలను ఎక్కువే పెట్టుకున్నారు.
