టాలీవుడ్ యంగ్ హీరో సంతోశ్ శోభన్.. జయాపజయాలతో సంబంధం లేకుండా వరుసగా సినిమాలు చేసుకుంటూ పోతున్నాడు. అందులో దాదాపు సినిమాలు ఫ్లాపులేే అయినా.. ఈ యంగ్ హీరో కష్టాన్ని మాత్రం ప్రేక్షకులు గుర్తిస్తున్నారు. ఆదరిస్తున్నారు. ఎంత కష్టపడినా సంతోశ్కు సరైన హిట్ మాత్రం రావడం లేదు. ఏక్ మినీ కథా సినిమా తర్వాత సంతోశ్ కెరీర్లో చెప్పుకోదగ్గ సినిమా లేదు. ఇక ఇటీవల రిలీజ్ అయిన అన్నీ మంచిశకునములే మూవీ అయినా ఈ హీరోకు హిట్ ఇస్తుందని అనుకుంటే అది కూడా నిరాశ పరిచింది. ఇలా వరుస ఫ్లాపులు ఉన్నా.. వరుస సినిమాలు చేస్తూ ప్రేక్షకులను ఆకట్టుకునే ప్రయత్నం చేస్తున్నాడు.
సంతోశ్ శోభన్ హీరోగా.. నందిని రెడ్డి డైరెక్షన్లో మాళవిక నాయర్ హీరోయిన్గా నటించిన అన్నీ మంచిశకునుములే మూవీపై భారీ అంచనాలున్నా.. తొలిరోజే డిజాస్టర్ టాక్ మూటగట్టుకుంది. దీంతో ఈ చిత్రానికి సరైన వసూళ్లు రాలేదు. అయితే ఈ సినిమా ఇప్పుడు ఓటీటీలో అలరించడానికి రెడీ అయింది. జూన్ 17వ తేదీ నుంచి ఈ సినిమా ప్రముఖ ఓటీటీ అమెజాన్ ప్రైమ్లో స్ట్రీమింగ్ కానుంది. అయితే ఈ సినిమాను తెలుగుతో పాటు హిందీ, తమిళ, కన్నడ, మలయాళ భాషల్లో అందుబాటులోకి ఉండనున్నట్లు తెలిసింది.
