త్వరలోనే పార్లమెంట్ ఎన్నికల నోటిఫికేషన్ విడుదల కానున్న సంగతి తెలిసిందే. ఏ క్షణమైన పార్లమెంటు ఎన్నికల నోటిఫికేషన్ విడుదల కానుంది. దీంతో అభ్యర్థుల వేటలో గులాబీ బాస్ కల్వకుంట్ల చంద్రశేఖర రావు ఉన్నారు. ఇప్పటికే కరీంనగర్ ఎంపీ అభ్యర్థిగా బోయిన్పల్లి వినోద్ కుమార్, పెద్దపల్లి ఎంపీ అభ్యర్థిగా కొప్పుల ఈశ్వర్ ను ఫైనల్ చేశారు.
అటు మహబూబాబాద్ నుంచి మాలోతు కవిత, ఖమ్మం నుంచి నామ నాగేశ్వరరావు పోటీ చేయనున్నారు. మహబూబ్నగర్ నుంచి మన్నె శ్రీనివాస్ బరిలో ఉండే ఛాన్స్ ఉంది. ఇక చేవెళ్ల బరిలో సిట్టింగ్ ఎంపీ రంజిత్ రెడ్డి ఉంటారని మొదట అందరూ భావించారు. కానీ చివరికి తాను పోటీ చేయబోనని ఆయన వెల్లడించారు. దీంతో చేవెళ్ల ఎంపీ అభ్యర్థిగా కాసాని జ్ఞానేశ్వర్ ను బరిలోకి దించేందుకు కేసిఆర్ నిర్ణయం తీసుకున్నట్లు తెలుస్తోంది. ముదిరాజు సామాజిక వర్గానికి చెందిన కాసాని జ్ఞానేశ్వర్ కు బరిలోకి దించితే… మంచి ఫలితం వస్తుందని ఆయన భావిస్తున్నారట. దీనిపై అధికారిక ప్రకటన త్వరలోనే రానుంది.
