సపోర్టింగ్ రోల్స్లో కనిపించి నెమ్మదిగా హీరోగా ఎంట్రీ ఇచ్చి.. ఇప్పుడు టాలీవుడ్లోనే టాప్ హీరోల్లో ఒకరిగా ఎదిగాడు శర్వానంద్. శర్వా సినిమా అంటే మినిమమ్ ఎంటర్టైన్మెంట్ గ్యారంటీ అనేలా పేరు తెచ్చుకున్నాడు. మంచి స్టార్డమ్ సంపాదించుకున్నాడు. నేచురల్ యాక్టింగ్తో పక్కింటి కుర్రాడిగా కనిపించి మంచి క్రేజ్ సొంతం చేసుకున్నాడు. అయితే ఎన్నో హిట్లు, విమర్శకుల నుంచి ప్రశంసలు అందుకున్న శర్వాకు ఇప్పటి వరకు ఎటువంటి ట్యాగ్ లేదు. అయితే ఇకపై శర్వాను ఫ్యాన్స్ ఓ కొత్త టైటిల్తో పిలవనున్నారు. అదేంటంటే?
శర్వానంద్ తాజాగా ‘మనమే’ అనే ఫ్యామిలీ ఎంటర్టైనర్ మూవీలో నటించిన విషయం తెలిసిందే. ఈ మూవీ జూన్ 7వ తేదీన థియేటర్లలోకి రానుంది. ఈ నేపథ్యంలో తాజాగా ఈ సినిమాకు సంబంధించిన ప్రీ రిలీజ్ ఈవెంట్ గ్రాండ్గా జరిగింది. ఇందులో ‘మనమే’ నిర్మాత ఈ యంగ్ హీరోకు ఛార్మింగ్ స్టార్ అనే టైటిల్ ఇచ్చారు. సినిమా టైటిల్ క్రెడిట్స్లోనూ అదే వాడారట. ఇది విన్న ఫ్యాన్స్ ఫుల్ ఖుష్ అవుతున్నారు.
