జనసేనలో కోవర్టులు ఉన్నారంటూ..పిఠాపురం వర్మ వివాదస్పద వ్యాఖ్యలు చేశారు. పిఠాపురంలో టీడీపీ, జనసేన కార్యకర్తలు వాగ్వాదంపై మాజీ ఎమ్మెల్యే వర్మ స్పందించారు. తాటాకు చప్పుళ్ళకు భయపడేది లేదని… కోవర్టులు జనసేనలోకి వచ్చి కుట్రలు పన్నుతున్నారని ఆగ్రహించారు.
వైసీపీ నుంచి జనసేన కి వచ్చిన వాళ్ళు వాగుతున్నారని నిప్పులు చెరిగారు. దానికి జనసేన బాధ్యత తీసుకోవాలని కోరారు. చంద్రబాబు మాట వేదవాక్కు.. దానికి కట్టుబడి పనిచేస్తున్నామన్నారు మాజీ ఎమ్మెల్యే వర్మ.
అయితే.. తాజాగా మరోసారి పిఠాపురంలో జనసేన -టీడీపీ నేతల మధ్య తోపులాట చోటు చేసుకుంది. గ్రాడ్యుయేట్ ఎమ్మెల్సీ ఎన్నికలకు అవగాహన సదస్సుకు తెలుగు దేశం పార్టీ కూటమి ఎమ్మెల్సీ అభ్యర్థి పేరాబత్తుల రాజశేఖరం రావడం జరిగింది. అయితే…ఈ తరుణంలోనే… మూడు పార్టీలు కండువాలు వేసుకోకుండా కూటమి అభ్యర్థి ఎలా అవుతారని తెలుగు దేశం పార్టీ కూటమి ఎమ్మెల్సీ అభ్యర్థి పేరాబత్తుల రాజశేఖరంను ప్రశ్నించారు జనసేన కార్యకర్తలు. అయితే.. తెలుగు దేశం పార్టీ కూటమి ఎమ్మెల్సీ అభ్యర్థి పేరాబత్తుల రాజశేఖరంను జనసేన నాయకులు ప్రశ్నించడంతో.. టీడీపీ పార్టీ నేతలు రెచ్చిపోయారు. దీంతో… స్వల్ప వాగ్వాదం జరగడం జరిగింది.
