టాలీవుడ్ నటుడు అజయ్ అంటే గుర్తు పడతారో లేదో కానీ టిట్లా అంటే మాత్రం ఇట్టే గుర్తు పట్టేస్తారు. దాదాపు 20 ఏళ్ల నుంచి అజయ్ టాలీవుడ్లో నటిస్తున్నాడు. విలన్గా, క్యారెక్టర్ ఆర్టిస్టుగా తన ప్రయాణం మొదలు పెట్టి హీరోగా కూడా నటించాడు. అయితే తాజాగా ఆయన చక్రవ్యూహం అనే సినిమాలో నటిస్తున్నాడు. సస్పెన్స్‌, క్రైమ్‌ థ్రిల్లర్‌గా తెరకెక్కిన ఈసినిమాలో అజయ్ పోలీస్‌ పాత్రలో నటించాడు. తాజాగా ఈ చిత్ర ప్రమోషన్స్లో పాల్గొన్న అజయ్ కెరీర్‌ పరంగా తనకు ఎదురైన ఓ చేదు సంఘటన గురించి చెప్పాడు.
‘‘శ్రీహరి హీరోగా విజయన్‌ దర్శకత్వంలో తెరకెక్కిన ఓ సినిమాలో నేనొక కీలక పాత్ర పోషించాను. సెట్‌లోకి అడుగుపెట్టిన తర్వాతే రేప్‌ సీన్‌ షూట్‌ అని నాకు చెప్పారు. తీరా, సీన్‌ షూట్‌ చేస్తున్నప్పుడు సదరు నటి (ఉత్తరాదికి చెందిన ఓ మోడల్) వెంటనే.. ‘డోంట్‌ టచ్‌’ అని కేకలు వేసింది. రేప్‌ సీన్‌ షూట్‌ అని ఆమెకు చెప్పారో లేదో నాకు తెలియదు. కానీ, ఆక్షణం నాకు చాలా ఇబ్బందికరంగా అనిపించింది. నా కెరీర్‌లో నేను ఎదుర్కొన్న ఒక చేదు సంఘటన అదే. కొంతసేపటి తర్వాత ఆ సీన్‌ మొత్తాన్ని రీ రైట్‌ చేసి షూట్‌ చేశారు’’ అని అజయ్ వివరించారు. అంతేకాకుండా ఆ తర్వాత తానెప్పుడూ అలాంటి సీన్స్‌లో నటించే ప్రయత్నం చేయలేదని చెప్పాడు.
