త్వరలో ‘ఆదిపురుష్’ ఫస్ట్ లుక్.. ఆనందంలో ప్రభాస్ అభిమానులు..

-

పాన్ ఇండియా స్టార్ ప్రభాస్ నటించిన ‘రాధేశ్యామ్ ’ ఇటీవల విడుదలైంది. అయితే, ఈ చిత్రం అంచనాలను అందుకోలేకపోయింది. లవర్ బాయ్ ఇమేజ్ ఉన్న పాత్రలో ప్రభాస్ కనిపించగా, ఆయనకు జోడీగా టాలీవుడ్ బుట్టబొమ్మ పూజా హెగ్డే నటించింది. ఈ ఫిల్మ్ వచ్చే నెల 1 నుంచి అమెజాన్ ప్రైమ్ ఓటీటీలో స్ట్రీమ్ కానుంది. ఈ సంగతులు అలా ఉంచితే .. ప్రభాస్ తన నెక్స్ట్ ప్రాజెక్ట్స్ పైన ఫోకస్ పెట్టారు.

రామాయణం ఆధారంగా ఓం రౌత్ దర్శకత్వంలో తెరకెక్కుతున్న ‘ఆదిపురుష్’పైన భారీ అంచనాలే ఉన్నాయి. ఈ క్రమంలోనే ఈ చిత్ర ఫస్ట్ లుక్ ను వచ్చే నెల 10న విడుదల చేస్తారని సోషల్ మీడియాలో న్యూ్స్ చక్కర్లు కొడుతున్నాయి. అయితే, ఈ విషయమై మూవీ యూనిట్ నుంచి ఎటువంటి అధికారిక ప్రకటన రాలేదు. అయినప్పటికీ ప్రభాస్ అభిమానులు ఆనందం వ్యక్తం చేస్తున్నార. ఫ్యాన్ మేడ్ ఫస్ట్ లుక్ ను ఓ అభిమాని సోషల్ మీడియాలో షేర్ చేయగా, ఆ ఫొటోనే వైరల్ చేస్తున్నారు.

‘ఆదిపురుష్’ ఫిల్మ్‌లో ప్రభాస్ కు జోడీగా ‘సీత’గా కృతిసనన్ నటిస్తుండగా, రావణాసురుడిగా సైఫ్ అలీ ఖాన్ నటిస్తున్నారు. ఈ చిత్రం రెండు భాగాలుగా రాబోతున్నదని వార్తలొస్తున్నాయి. అయితే, ఈ విషయమై కూడా మేకర్స్ క్లారిటీ ఇవ్వలేదు. ప్రభాస్ ఈ చిత్రం షూటింగ్ జరుగుతుండగానే ప్యారలల్ గా ‘సలార్, ప్రాజెక్ట్ కె’ షూటింగ్స్ లో పాల్గొంటున్నారు. ‘అర్జున్ రెడ్డి’ ఫేమ్ డైరెక్టర్ సందీప్ రెడ్డి వంగతో తన 25వ సినిమా ‘స్పిరిట్’ చేస్తు్న్నారు ప్రభాస్.

Read more RELATED
Recommended to you

Latest news