వెంకటరత్నమ్మకు మొత్తం ముగ్గురు కొడుకులు, ఒక కుమార్తె. అల్లరి నరేశ్ తండ్రి ఈవీవీ సత్యనారాయణ పెద్ద కొడుకు కాగా… గిరి, శ్రీనివాస్ మరో ఇద్దరు కొడుకులు. ఆమె కుమార్తె పేరు ముళ్లపూడి మంగ.
సినీ నటుడు అల్లరి నరేశ్ ఇంట్లో విషాదం నెలకొన్నది. అల్లరి నరేశ్ నాయనమ్మ, ఈవీవీ సత్యనారాయణ తల్లి ఈదర వెంకటరత్నమ్మ మరణించారు. ఆమెకు 87 సంవత్సరాలు. ఆమె నిన్న తన స్వగృహంలో కన్నుమూశారు. నిడదవోలు మండలం కోరుమామిడి ఆమె స్వగ్రామం. ఈవీవీ సత్యనారాయణ 2011లో మరణించిన సంగతి తెలిసిందే. తన కొడుకు మృతి చెందాక… అప్పటి నుంచి వెంకటరత్నమ్మ ఒక్కరే కోరుమామిడిలో ఉంటున్నారు.
గత కొన్ని రోజులుగా అనారోగ్యంతో బాధపడుతున్న వెంకటరత్నమ్మ.. సోమవారం తన ఇంట్లోనే కన్నుమూశారు. దీంతో అల్లరి నరేశ్ ఫ్యామిలీ శోకసంద్రంలో మునిగిపోయింది. ఆమె అంత్యక్రియల్లో అల్లరి నరేశ్, ఆర్యన్ రాజేశ్, దర్శకుడు ఈవీవీ సత్తిబాబు, నిర్మాత కానుమల్లి అమ్మిరాజు.. ఇతర సినీ నటులు ఆమె అంత్యక్రియల్లో పాల్గొన్నారు.
వెంకటరత్నమ్మకు మొత్తం ముగ్గురు కొడుకులు, ఒక కుమార్తె. అల్లరి నరేశ్ తండ్రి ఈవీవీ సత్యనారాయణ పెద్ద కొడుకు కాగా… గిరి, శ్రీనివాస్ మరో ఇద్దరు కొడుకులు. ఆమె కుమార్తె పేరు ముళ్లపూడి మంగ.
