బలగం సినిమా తెలుగు రాష్ట్రాల్లో ఎంత సంచలనం సృష్టించిందో కొత్తగా చెప్పనక్కర్లేదు. చిన్న సినిమాగా విడుదలైన ఈ చిత్రం.. ఓవైపు కలెక్షన్లు.. మరోవైపు అవార్డులు సొంతం చేసుకుంది. ప్రాంతీయ చిత్రంగా విడుదలై.. అంతర్జాతీయ అవార్డులను దక్కించుకుంది. ఇక ఈ సినిమాతో.. ‘జబర్దస్త్‌’ షోతో తెలుగు ప్రేక్షకులకు దగ్గరైన హాస్య నటుడు వేణు యెల్దండి దర్శకుడిగా తన ప్రస్థానం ప్రారంభించాడు. ‘బలగం’ చిత్రంతో దర్శకుడిగా మారి తొలి ప్రయత్నంలోనే మంచి విజయాన్ని అందుకున్నారు. తన చిత్రంతో ప్రేక్షకులకు బాగా కనెక్ట్ అయ్యారు. దీంతో ఆయన నెక్ట్స్ సినిమా అనౌన్స్మెంట్ ఎప్పుడెప్పుడు వస్తుందని చాలా మంది సినీ ప్రియులు ఆసక్తి చూపుతున్నారు.
ఈ క్రమంలోనే వేణు తన కొత్త సినిమా గురించి ఓ అప్డేట్ ఇచ్చాడు. తన రెండో సినిమా స్క్రిప్టు పనుల్ని సోమవారం ప్రారంభించినట్టు సోషల్‌ మీడియా వేదికగా ఓ పోస్ట్ పెట్టాడు. పెన్ను, పేపర్‌ ఫొటోను షేర్‌ చేశారు. ఆ కాగితంపై శ్రీ ఆంజనేయ అని రాసి ఉంది. ఈ పోస్టు చూసిన నెటిజన్లు.. ‘మరో ‘బలగం’గా మంచి సక్సెస్ను అందుకోవాలని కోరకుంటున్నా’, ఆల్‌ ది బెస్ట్‌ వేణు కామెంట్లు పెడుతున్నారు.
Started…..#2✌🏼#Cinema #writing pic.twitter.com/PTpl7lmKDh
— Venu Yeldandi #Balagam (@VenuYeldandi9) June 19, 2023
