దిల్ రాజు బ్యానర్ లో అల్లు అర్జున్ హీరోగా తెరకెక్కించే సినిమాగా సభకు నమస్కారం సినిమాపై రెండు మూడు రోజులుగా వార్తలు వింటున్నాం. దిల్ రాజు కాంపౌండ్ లో తయారు చేయబడిన ఆ కథను బన్ని కూడా విని ఓకే చెప్పాడని. సినిమాకు టైటిల్ గా వెరైటీగా సభకు నమస్కారం అని పెట్టబోతున్నారని టాక్ వచ్చింది. అయితే ఈ వార్తల్లో ఎలాంటి నిజం లేదని చెప్పాడు నిర్మాత దిల్ రాజు.
ప్రస్తుతం తమ బ్యానర్ లో నితిన్ శ్రీనివాస కళ్యాణం, మహేష్ 25వ సినిమా వస్తున్నాయి తప్ప మిగతా ఏ సినిమా కనీసం చర్చల దశల్లో కూడా లేదని తెలుస్తుంది. దిల్ రాజు క్లారిటీ ఇవ్వడంతో ఈ వార్తలన్ని ఫేక్ అని తేలింది. నా పేరు సూర్య తర్వాత బన్ని విక్రం కుమార్ డైరక్షన్ లో సినిమా చేస్తాడని తెలుస్తుంది. అయితే ఆ సినిమాపై అఫిషియల్ న్యూస్ రాలేదు.
విక్రం కథలో బన్ని కొన్ని మార్పులు సూచించాడట.. ప్రస్తుతం వారిద్దరి మధ్య డిస్కషన్స్ జరుగుతున్నాయట. మరి బన్ని తర్వాత సినిమా ఏదై ఉంటుందా అని అల్లు, మెగా ఫ్యాన్స్ ఎక్సైటింగ్ గా ఎదురుచూస్తున్నారు.
